Khamiis 30, May 20224 {HMC} Wasiirka Arrimaha Dibadda iyo Iskaashiga Caalamiga ah ee Soomaaliya, ayaa sheegay sida ay Soomaaliya uga walaacsan tahay xaaladda sii xumaanaysa ee shacabka Falastiin.
Wuxuu cambaareeyay gardarada iyo xasuuqa ay Israa’iil ku hayso shacabka Falastiin. isagoo cusboonaysiiyay muhiimadda ay leedahay in wax laga qabto xadgudubyadaas
Fiqi ayaa carrabka ku adkeeyay in Soomaaliya ay taageerrayso dadaallada lagu doonayo in lagu sugo xuquuqda sharciga ah ee dadka reer Falastiin.
Wasiirka ayaa ku baaqay in la joojiyo dagaalka, caalamkana uu ka shaqeeyo ilaalinta dadka rayidka ah, gargaarka bini’aadantinimo, iyo dib u dhiska Qasa.
Axmed Macallin Fiqi ayaa hadalkan ka jeediyay shirka iskaashiga Shiinaha iyo Carabta ee ka furmay Magaalada Beijing.
