Arbaco-December-20-2023-{HMC}  Allaha u naxariistee waxaa goordhaw isbitaal kuyaalla dalka Jabuuti ku geeriyootay Wasiirkii Arrimaha Haweenka iyo Xuquuql Insaanka Xukuumadda Soomaaliya Khadiija Maxamed Diiriye oo Jabuuti xanuun kula soo booday.

Masuuliyiin katirsan xukuumadda Soomaaliya iyo ehelkeeda ayaa goordhaw xaqiijiyay in ay geeriyootay Wasiir Khadiija Diiriye, waxaana geerideeda si weyn uga naxay madax iyo shacab badan oo si weyn u yaqaanay.

Khadiija Diiriye ayaa soo aheyd in ka badan 23-sanno xildhibaan katirsan baarlamaanka Federaalka Soomaaliya, waxa ay sidoo kale wasiir kasoo noqotay xukuumadihii kala duwanaa ee dalka soo maray.

Arbaco-December-20-2023-{HMC}  Ra’iisul Wasaaraha Soomaaliya Mudane Xamsa Cabdi Barre, ayaa kulan la qaatay Madaxweynaha Jabuuti Mudane Ismaaciil Cumar Geelle oo ay ka wada hadleen, xoojinta xiriirka labada dal iyo iskaashiga dhinacyada amniga iyo dhaqaalaha

Xamsa Barre ayaa dowladda iyo shacabka Jabuuti uga mahadceliyay doorka ay ka qaataan dowlad dhiska iyo amniga Soomaaliya, xilliyadii kala duwanaa ee la soo maray, isaga oo xusay in Jabuuti ay tahay walaal iyo saaxiib muhiim ah oo ay Soomaaliya leedahay

Dhankiisa, Madaxweynaha Jabuuti Mudane Ismaaciil Cumar Geelle ayaa dowladda Soomaaliya ugu hambalyeeyay guulaha waaweyn ee ay ka soo hoysay muddada kooban, dagaalka ay ku ciribtireyso Khawaarijta , qaadista Cunaqabateynta hubka, ku biirista suuqa ganacsiga Bariga Afrika iyo cafinta deyntii lagu lahaa Soomaaliya

Dowladda Faderaal Soomaaliya ayaa maanta oo Arbaco ah si buuxda ugu biirtay wadamada qeybta ka ah heshiis iskaashi wadaag oo dhexmara xubnaha Ururka Africa oo qeyb ka ah Midowga Yurub {EU}

Danjiraha Soomaaliya u jooga dalalka la isku yeraado Benelux iyo Midowga Yurub, Ambassador Yoonis Yaasiin Xaashi {Ooga-Cadde}, ayaa heshiiskaaas ku saxiixay Munaasabad ka dhacday Xarunta Ururka Africa, ee Brussels

Heshiiskan ayaa dejin doonaa qaab-dhismeed sharci oo dhamaystiran ee u dhaxeeya Africa iyo Midowga Yurub, waxa ayna labada dhinac isaga kaashan doonaan nabadda iyo amniga, hormarka bulshada, kobaca dhaqaale, xuquuqul Insaanka, iyo arrimo kale

Dowladda Soomaaliya ayaa muddooyinkii lasoo dhaafay qeyb ka noqotay ururo iyo hay’addo caalami ah, waxa ayna dowladda xoojineysa xiriirka kala dhaxeeyo caalamka intiisa kale, iyagoona waxyaabo badan ka faa’iidi doonto ku biirista ururadaasi

Hay’adda Lacagta Adduunka ee loosoo gaabiyo IMF ayaa ansixisay hannaan cusub oo Soomaaliya lagu taagaarayo si ay u hesho lacago ay ku kobciso dhaqaalaheeda isla markaana saddex sanno qorshahaas uu yahay

Lacagta IMF ay ansixisay waa $100 Milyan oo doollar oo 3 sano lagu siinayo Dowladda Soomaaliya oo dhowaan si rasmi ah looga cafiyay dayntii waqtiga dheer lagu lahaa kaddib markii ay kasoo baxday shuruudihii la hordhigay

Soomaaliya ayaa horumar muuqda ka samaysay hagaajinta hannaanka Maaliyadda, kobcinta dhaqaalaha Dalka, sare u qaadista Miisaaniyadda iyo dhammaystirka barmaanijka ay kula dagaalamayso Musuqa {Wax isdaba-marinta}

Barnaamijkaan cusub ayaa ujeedkiisu yahay in wax laga qabto caqabadahaan iyada oo la taageerayo istaraatiijiyadaha dib u habaynta ee lagu xoojinayo dhaqaalaha Soomaaliya ee marxaladda Dayn cafinta kasoo gudbay

Hay’adda Lacagta Adduunka IMF ayaa ku qanacday hannaanka Maaliyadda Soomaaliya, dib u hagaajinta iyo horumarka ay ku tallaabsadeen Hay’adaha ka shaqeeya dhinaca Lacagta ee Dalka oo sanadihii u dambeeyay kordhiyay dedaalka xooggan oo ay sameynayaan

Arbaco-December-20-2023-{HMC} Dagaal u dhexeeya Ciidanka xoogga dalka iyo xoogagga deegaanka oo is garabsanaya iyo A.S ayaa ka socda deeganka jeexjeex iyo Buurta Yacgoos oo u dhaxeeya Magaalooyinka Caad iyo Camaara ee Koofurta gobolka Mudug

Weerarka dagaalka ku bilowday waxaa qaaday ciidanka xoogga iyo xoogagga deegaanka oo is kaashanaya, kaddib markii ay heleen xogta dagaaltahanno katirsan A,S o isku aruursanayay deegaanadaas

Saraakiisha Ciidanka xoogga hoggaamineysa ayaa Warbaahinta u xaqiijiyey in dagaalka lagu jabiyey A,S, waxa ayna xuseen in wali sii baacsanayaan firxadka kooxd A,S

Howlgalka ayaa qeyb ka ah halganka sifeynta A,S ee ka socda Koofurta Mudug oo dhul ballaaran looga xoreeyey kooxda A,S oo horey u heesatay deegaanno badan oo dhaca koonfurta gobolka Mudug.