Arbacoo Nofembar 08, 2023 {HMC} Deegaanka Buq-Dharkayn ee dhaca gobolka Sool ayaa waxaa maanta ka dhacay dagaal xooggan oo dhexmaray ciidamada maamulka SSC-Khaatumo iyo kuwa Somaliland, waxaana ka dhashay khasaare aan weli la shaacin baaxadeeda.

Ciidamada maamulka SSC-Khaatumo ayaa ku guuleystay in ay gacanta ku dhigaan taliyihii saadka ee maamulka Somaliland, waxaana ciidamadan u suurtagashay in ay sidoo kale la wareegaan labo gaari oo nooca dagaalka ah.

Soomaaliya – Deegaanka Buq-Dharkayn ee dhaca gobolka Sool ayaa waxaa maanta ka dhacay dagaal xooggan oo dhexmaray ciidamada maamulka SSC-Khaatumo iyo kuwa Somaliland, waxaana ka dhashay khasaare aan weli la shaacin baaxadeeda.

Ciidamada maamulka SSC-Khaatumo ayaa ku guuleystay in ay gacanta ku dhigaan taliyihii saadka ee maamulka Somaliland, waxaana ciidamadan u suurtagashay in ay sidoo kale la wareegaan labo gaari oo nooca dagaalka ah.

Sawiro lagu faafiyay baraha bulshada ayaa muujinaya maxaabiis iyo qalab ay ciidamada SSC-Khaatumo gacanta ku dhigeen.

Dagaalo goos-goos ah ayaa weli socda oo u dhaxeeya labada dhinac, waxaana ka dhashay khasaare naf iyo maalba leh, iyadoo mas’uuliyiinta maamulka labada dhinac aysan wax war ah ka soo saarin.

Arbacoo Nofembar 08, 2023 {HMC} Qoysaski ugu badna ayaa ka baracay Deeganada dhaca jijnka wabiga shabelle ee waqooyiga gobolka Hiiraan kadib markii ay ka cabsi qabaan in uu si lama filaan ah u sameyso fatahada taas oo halis gilin karta noloshooda.

Dadkii ka barakacay deegaanada Jiinka Wabiga Shabelle ayaa ka cabanaayo xaalad Nolol xumo oo ku haaysato deegaanada ay u barakaceen.

Qaar kamid ah dadka barakacayaasha ayaa la hadlay warabaahinta hiiraanweyn ayaa codsaday in kaalmo deg deg ah lala so gaaro madaama aysan hooy iyo hu,

Dadka qaar ayaa dhistay guryo ka kooban ulo yar yar ah baakado kuwaas oo aan celin karin roobabka xoogan ee ka da”ayo qeybo kamid ah Soomaaliya.

Arbacoo Nofembar 08, 2023 {HMC} ANKARA —  Madaxweynaha Turkiga Recep Tayyip Erdogan ayaa taageero xooggan u muujiyay Ururka Xamaas iyo dagaalka uu kula jiro Israel, isagoo Xamaas ugu yeeray dhaqdhaqaaq xorriyad doon ah.

Dadka arrimahan ka faalooda ayaase qaba in Turkiga uu weli yahay dariiq muhim ah shidaalka iyo Tamarta Isreal.

Sida ay qabaan dadka arrimaha Turkiga odorosa, Faraqa u dhaxeeya hadalada kulkul ee afka laga yirahdo iyo Ficilka waa qeyb ka mid ah doorka diplomaasiyadeed ee ay Ankara ku dooneyso inay ka qaadato colaadda Qaza.

Arbacoo Nofembar 08, 2023 {HMC} Roob xoogan oo maanta ka adaay magaalada Muqdisho ayaa saameyn ku yeeshay isku socodka dadka iyo gaadiidka

Roobka oo mudo kooban da”ayay ayaa biyo farabadan ku so rogay qaar kamid ah wadaayinka dagmooyinka Gobolka Banaadir kuwaas oo sababay in uu istaako isku socodka dadka iyo gaadiidka.

Biyaha faraha Badan ee uu ku so rogay Wadooyinka  Magaalada Muqdisho ayaa sababay in ay qaar kood bur buraan sida ka muuqato sawirada ay Hiiraanweyn ka qaaday goobaha ay bur buriyeen daadadka ka so rogmada roobabka maanta da ay.

Arbacoo Nofembar 08, 2023 {HMC}  Wararka ka imanaya wadanka Mareykanka ayaa Sheegayo in Nasri Warsame looga adkaaday Kursiga xaafada 10-aad ee golaha deegaanka Minneapolis waxaana kaga guuleystay gabadha lagu magacaabo Aisha Chughtail.

Sida wararka la helayo ay tilmaamayaan, waxaa ka adkaatay Nasri warsame oo kursigan ku guuleysatay gabadha asalkeedu yahay Hindi ee lagu magacaabo Aisha Chughtail.

Wiilkan Dhalinyarada ee Soomaaliga ah ee lagu magacaabo Nasri warsame ayaa olole xoogan waday waayadan, isagoo Soomaalida iyo ajaanibta kaleba ka dalbanayay iney codka siiyaan si uu ugu guuleysto kursiga uu mudada dheer u ololeynaayay.

Arbacoo Nofembar 08, 2023 {HMC} Taliyaha Ciidanka Xooga Dalka Soomaaliya  Gen, ibraahim Sheikh Muxudiin Caddow iyo Taliyaha Ciidanka Hawlgalada Midowga yurub iyo saraakiil kale ayaa ka wadahadlay xoojinta dhismaha ciidamada iyo Taageerada Ciidamada Soomaaliya.

Arimo  badan ayaa looga hadlay intii uu socday kulankaan waxaana ka mid ah tababarka Ciidamada, kaabayaasha, qaab dhismeedka ciidamada, qorista ciidanka , isgaarsiinta, dhimista ATMIS iyo arima kale oo muhiim ah.

Dowladdaha Midowga Yurub waxa dadka iyo Dalka Soomaaliyeed ku taageeraa mashaariicdooda iyo howlgalladooda ay ka wadaan Soomaaliya