Jimco 13 March 2026 {HMC} Afhayeenka Wasaaradda Gaashaandhigga ee Turkish Ministry of National Defense, Admiral Zeki Aktürk, ayaa sheegay in afar markab oo ka tirsan ciidamada badda ee Turkiga, kuwaas oo kala ah TCG Göksu, TCG Bayraktar, TCG Bartın iyo TCG Yzb. Güngör Durmuş, ay bilaabi doonaan hawlgal ay uga soo ambabaxayaan Bariga Badda Mediterranean-ka una soo socdaan Somalia 16-ka Maarso.
Hawlgalkaan ayuu sheegay in uu qayb ka yahay howsha ay wadaan ciidamada badda ee “Türkiye Somalia Naval Task Group”, kuwaas oo ka shaqeynaya xoojinta iskaashiga badda ee u dhexeeya Turkiga iyo Soomaaliya.
Horay Soomaaliya waxaa ugu sugnaa ugu yaraan 3 Markab oo dagaal iyo kuwa soo galbinaya markabka shidaalka qodaya taas oo ka dhigan in uu biyaha Soomaaliya Turkey u soo diray in ka badan 10 markab oo kuwa dagaalka.
Markiibta ayaa marka ay ku soo xirtaan Muqdisho ka dib u sii gudbi doona dhanka bada Cas halkaas oo ay ka ilaalin doonaan biyaha Soomaaliya iyadoo la fulinayo heshiiska laba dal ee dhanka bada ah.