Arbaco 11 Feb 2026 {HMC} Soomaaliya oo loo dhisayo Ciidanka Badda.
HOOS KA DAAWO WARARKII UGU DAMBEEYAY
{DAAWO MUUQAALKA} Madaxda Mucaaradka iyo kuwa Dowladda oo Kulamo gaar gaar ah ka wado Muqdisho.
Arbaco 11 Feb 2026 {HMC} Madaxda Mucaaradka iyo kuwa Dowladda oo Kulamo gaar gaar ah ka wado Muqdisho.
HOOS KA DAAWO WARARKII UGU DAMBEEYAY
{DAAWO MUUQAALKA} Imaaradka oo Xero Ciidamada lagu tababaro ka Furay itoobiya.
Arbaco 11 Feb 2026 {HMC}Imaaradka oo Xero Ciidamada lagu tababaro ka Furay itoobiya.
HOOS KA DAAWO WARARKII UGU DAMBEEYAY
Jubbaland oo War Cusub kasoo Saaray khasaaraha ka dhashay dagaal ka dhacay Jamaame.
Arbaco 11 Feb 2026 {HMC} Maamulka Jubbaland ayaa faahfaahin ka bixiyay dagaal culus oo ka dhacay deegaanka Maanbile, oo ku yaalla jiinka Wabiga Jubba, duleedka degmada Jamaame ee Gobolka Jubbada Hoose, kaas oo lagu laayay xubno badan oo ka tirsanaa maleeshiyaadka Al-Shabaab.
Sida lagu sheegay war ka soo baxay Jubbaland, ciidamada Jubbaland oo kaashanaya Ururka 162-aad ee Kumaandooska Danab iyo Ciidamada Nabad-Sugidda Jubbaland ayaa fuliyay weerar qorshaysan oo lagu beegsaday fariisimo iyo godad ay maleeshiyaadka Al-Shabaab ka qoteen jiinka wabiga.
Dagaalka oo socday ku dhowaad afar saacadood ayaa ku billowday weerar toos ah oo ay ciidamadu ku qaadeen goobaha ay ku dhuumaaleysanayeen maleeshiyaadka. Intii uu socday dagaalka, Al-Shabaab ayaa la sheegay inay sameeyeen iska-caabin xooggan, balse ciidamada huwanta ah ayaa ugu dambeyn gudaha u galay godadkii ay ku jireen.
War-saxaafadeedka Jubbaland ayaa lagu sheegay in dagaalka lagu dilay illaa 70 xubnood oo ka tirsanaa maleeshiyaadka Al-Shabaab, halka tiro kale ay ku dhaawacmeen. Sidoo kale, waxaa la tilmaamay in duqeymo cirka ah ay kaalin muuqata ka qaateen jabinta maleeshiyaadka.
Maamulka Jubbaland ayaa ku tilmaamay howlgalka mid guul ah oo muujinaya iskaashi dhab ah oo u dhexeeya Ciidamada Jubbaland, Kumaandooska Danab iyo hay’adaha amniga, iyagoo ballanqaaday sii wadista howlgallada ka dhanka ah Al-Shabaab.
Maxaa kala socotaa Shirarka Dowladda Federaalka & Mucaaradka Muqdisho ka wadaan..?
Arbaco 11 Feb 2026 {HMC} Magaalada Muqdisho waxaa ka socda kulamo gaargaar ah oo Dowladda Federaalka iyo xubnaha Mucaaradka ah ay wadaan si dhinac weliba uu uga soo tashto qodobada muhiimka ah ee wadahadalkooda ka dhacaya Caasimadda.
Ilo kala duwan ayaa Mustaqbal u sheegay in saacadihii lasoo dhaafay kulamo waqtiyo dheer qaatay in ay dhinacyadaan sameeyeen si ay uga tashtaan shuruudaha adag ee dhinac weliba weliba uga imaan karo dhanka kale.
Madaxweyneyaasha Dowlad-Goboleedyada Puntland iyo Jubbaland ayaa goobaha ay ka deggen yihiin Magaalada Muqdisho waxa ay ku qaabileen xubno ay ku wadaagaan Madasha Mucaaradka iyaga oo kawada hadlay shirka furmaya.
Madaxda Dowladda Federaalka Soomaaliya ayaa qudhooda si hoose uga shiray sida laga yeelayo qodobada culus ee Xubnaha Mucaaradka horay usoo bandhigeen isla markaana ay dhexgayn rabaan wadahadalka labada dhinac.
Ku dhowaad toban qof oo ku dhintay toogasho ka dhacday Canada
Arbaco 11 Feb 2026 {HMC} Ugu yaraan toddobo qof ayaa ku dhintay toogasho ka dhacday iskuul ku yaala gobolka British Columbiaee dalka Canada, sida ay sheegeen booliiska.
Lix qof ayaa meydkooda laga helay gudaha dugsiga Sare ee Tumbler Ridge, halka midkii toddobaadna uu dhintay intii loo sii waday isbitaalka.
Qof la rumeysan yahay inuu ahaa qofka toogashada geystay ayaa sidoo kale la helay isagoo meyd ah, iyadoo ay u muuqato inuu is dhaawacay, sida ay sheegeen saraakiisha dalkaas.
Laba qof oo kale ayaa meydadkooda laga helay goob gaar ah, taasoo booliisku ay aaminsan yihiin inay la xiriirto dhacdadan.
Weerarka awgii, waxaa haatan la xiray iskuullada inta ka hartay dhamaadka todobaadka
Minister Abdulsalam Ali arrives in Addis Ababa to participate in the 39th African Union Summit.
Arbaco 11 Feb 2026 {HMC} His Excellency Minister of Foreign Affairs and International Cooperation, Mr Abdisalam Ali has arrived in Addis Ababa to participate in the 39th African Union Summits and related ministerial sessions, scheduled to kick off tomorrow at the AU headquarters.
On the sidelines of the summit, the minister will hold bilateral meetings with his African counterparts and partners, aimed at strengthening Somalia’s priorities in the areas of peace and security, regional cooperation, and sustainable development.
This year’s African Union Summit is held under the slogan “Ensuring sustainable water and safe sanitation systems to achieve Agenda 2063 goals”, highlighting water security and sanitation as key drivers of strengthening Africa’s resilience and prosperity.
DFS oo si rasmi ah u billowday dhismaha iyo tayeynta Ciidanka Badda Soomaaliyeed
Arbaco 11 Feb 2026 {HMC} Dowladda Federaalka Soomaaliya ayaa si rasmi ah u billowday dadaallo lagu dhisayo laguna tayeynayo Ciidanka Badda Soomaaliyeed, iyadoo dowladda Turkey ay qaadanayso doorka tababarka iyo taageerada farsamo ee ciidamadaas.
Qalabkii ugu horreeyay ee tababarka Ciidanka Badda ayaa dhawaan la keenay magaalada Muqdisho, taas oo astaan u ah bilowga qorshe ballaaran oo lagu xoojinayo awoodda badeed ee dalka.
Maanta, Taliye Ku-xigeenka Ciidanka Badda Turkey, Admiral Mustafa Kaya, ayaa soo gaaray Muqdisho, halkaas oo uu kula kulmay Taliyaha Ciidanka Badda Soomaaliyeed iyo Wasiiru-dowlaha Wasaaradda Difaaca Soomaaliya.
Kulankaas ayaa diiradda lagu saaray dardargelinta tababarka, iskaashiga farsamo, iyo horumarinta awoodda difaac ee badda.
Sidoo kale, ilo-wareedyo lagu kalsoon yahay ayaa sheegaya in dhawaan dowladda Sucuudiga, oo shir la yeelatay saraakiisha amniga Soomaaliya, ay weydiisay Dowladda Federaalka in ay si rasmi ah u caddeyso baahiyaha ay ka doonayso Boqortooyada Sucuudiga.
Dowladda Soomaaliya ayaa gudbisay laba qodob oo muhiim ah: in la siiyo maraakiib dagaal iyo in loo fududeeyo helista iyo iibsashada diyaaradaha milatari ee ay soo saarto Pakistan.
Dowladda Sucuudiga ayaa la sheegay inay diyaar u tahay inay Soomaaliya siiso maraakiib ay horay u isticmaali jireen ciidankeeda badda, balse hadda ka baxaya adeegsiga maadaama lagu beddelay qalab casri ah oo noocii ugu dambeeyay ah.
Maraakiibtan ayaa la filayaa inay door weyn ka qaataan sugidda ammaanka xeebaha Soomaaliya iyo la-dagaallanka tahriibta, burcad-badeedda, iyo khataraha kale ee badda.
Dhanka kale, Turkey ayaa si rasmi ah u bilaabaysa tababarka ciidamada la qorsheeyay, halka heshiisyada la xiriira maraakiibta badda la filayo in lagu dhammeystiro booqashada uu Madaxweynaha Soomaaliya, Xasan Sheekh Maxamuud, ku tegi doono Boqortooyada Sucuudiga maalmaha soo socda.
Tallaabooyinkan ayaa muujinaya dadaal xooggan oo ay dowladda Soomaaliya ku doonayso inay dib ugu dhisto awooddeeda difaac ee badda, isla markaana ay xoojiso iskaashiga amni ee ay la leedahay dalalka saaxiibka ah, si loo sugo madaxbannaanida iyo badbaadada biyaha Soomaaliyeed.
Somaliland waxa ay u muuqato marin hubka loo mariyo Kooxda RSF, Gudoomiyaha Arimaha Dibadda ee Sanate Mareykanka.
Arbaco 11 Feb 2026 {HMC} Gudoomiyaha Arimaha Dibadda ee Sanate Mareykanka oo Sheegay in Somaliland ay u muuqato Marin Hubka loo Mariyo Kooxda dagaalka kula Jirta Dowladda Suudaan ee RSF
Warkan oo lagu daabacay bogga X ee Guddoomiyaha Xiriirka Arrimaha Dibadda Mareykanka (Senate Foreign Relations Committee Chairman), Jim Risch ayaa lagu yiri
“Waxaan ka walaacsanahay warbixinnada ku saabsan xarun tababar oo lala xiriirinayo Imaaraadka (UAE) oo gudaha Itoobiya loogu furay maleeshiyada xasuuqa geysata ee RSF, iyadoo laga yaabo inay jiraan waddooyin sahayda loo mariyo oo sii mara Somaliland.
Tallaabooyinkani waxay noqon doonaan kuwo xaaladda sii hurinaya, waana sabab kale oo dheeri ah oo loogu aqoonsan karo RSF urur argagixiso shisheeye (FTO), taas oo horseedi doonta cawaaqib ka dhasha taageeradan wakalaadeed gobolka ah.”
Israa’iil oo billaabay in ay shidaal cayriin ka soo dhoofsadaan Dalka Venezuela.
Talaado 10 Feb 2026 {HMC} Shirkadaha shidaalka Israa’iil ayaa billaabay inay shidaal cayriin ka soo dhoofsadaan Venezuela, iyadoo lagu sheegay dhoofintan inay Israa’iil si dhaqso ah uga faa’iideysanayso isbeddelka ka dhacay dalkaa, kaddib markii Mareykanka uu afduubay madaxweynihii ka soo horjeeday Israa’iil ee Nicolas Maduro.
Tallaabada oo badashay jihada shidaalka Venezuela oo markii hore Shiinaha uu ka faa’iideysan jiran, xilligan Mareykanka, Spain , Hindiya iyo hadda Israa’iil ayaa noqday kuwa dhoofsanaya shidaalka Venezuela,sida ay werisey Bloomberg.