Wednesday 15,Jan,2025 {HMC} Iraq’s Interior Minister, Abdul Amir Al-Shammari, met with Somali officials to discuss a proposed security memorandum of understanding.

During a joint press conference with his Somali counterpart Abdullahi Sheikh Ismail in Baghdad, Al-Shammari revealed that they discussed Somalia’s request for consultancy, training, and experience-sharing in combating terrorism, particularly against groups like Al-Qaeda and ISIS, which continue to operate in Somalia.

Al-Shammari expressed Iraq’s readiness to provide comprehensive support, including training and organizational expertise, to help Somalia address its security challenges, praising Somalia’s efforts to establish security and stability in the country.

For his part, Somalia’s Interior Minister described his visit to Baghdad as successful, noting that he met various officials within Iraq’s Interior Ministry and toured the Border Guard Command to review ongoing efforts.

“We will also visit other units, including intelligence and counter-narcotics,” Ismail added.

Ismail emphasized Somalia’s need to benefit from Iraq’s experience in counter-terrorism, border protection, and combating drug trafficking.

He further extended his gratitude to Iraq for its commitment to providing necessary support to enhance Somalia’s security.

Arbaco 15, Jan 2025 {HMC} Ra’iisul wasaaraha xukuumadda Soomaaliya Mudane Xamza Cabdi Barre oo xalay ka qayb-galay munaasabad ka dhacday xarunta y Tiyaatartka Qaranka ayaa markii ugu horreysay ka hadlay dagaalka ay Puntland ku qaaday Daacish.

Xamza ayaa si weyn u taageeray howlgallada ka socda gobolka Bari, isaga oo ku bogaadiyay ciidamada Puntland u dhaqaaqay buuraha ay ku jiraan xubnaha Daacish.

Ra’iisul wasaaraha ayaa sidoo kale shaaca ka qaaday in xukuumaddiisay ay garab taagan tahay Puntland, isla-markaana taageero nooc waliba ay diyaar ula tahay.

“Dowladda Federaalka waxa ay si buuxda u garab taagan tahay Ciidamada geesiyaasha ah ee Puntland ee dagaalka kula jira Cadowga Daacish, waxaanan ugu hambalyeynayaa guulaha waaweyn ee ay ka soo hooyeen dagaalka cadowga” ayuu yiri Ra’iisul wasaaruhu.

Shalay dowladda dhexe oo warsaxaafadeed soo saartay ayaa Puntland iyo shacabkeeda ku boggaadisay dagaalka ay u jiheysteen, si ay isaga xoreeyaan kooxaha argagixisada.

“Dowladdu iyada oo kaashanaysa shacabka Soomaaliyeed waxay u taagan tahay sidii dalka looga tirtiri lahaa dembiileyaasha Khawaarijta, kuwaas oo muddo dheer dhibaato aan kala sooc lagayn ku haya shacabka Soomaaliyeed” ayaa lagu yiri bayaanka dowladda dhexe.

Puntland ayaa howlgalkan oo ka socda gobolka Bari ugu magacab dartay Hilaac, waxaana ujeedka uu yahay in dhulka buuraha looga saaro maleeshiyaadka kooxda Daacish.

Arbaco 15, Jan 2025 {HMC} Ra’iisul Wasaaraha Xukuumadda jamhuuriyadda Federaalka Soomaaliya, Mudane Xamsa Cabdi Barre, ayaa sheegay in Haweenka Soomaaliyeed ay door muuqda ku leeyihiin Xukuumadda DanQaran, dhawaana ay heli ka heli doonaan xuquuqda ay ku leeyihiin Agaasimeyaasha Guud ee Wasaaradaha iyo hey’adaha kala duwan ee dowladda.

Mudane Xamsa, ayaa hoosta ka xarriiqay in uusan xil ka hayn doonin Xukuumadda DanQaran, masuul walba oo ku xadgudba xaquuqda dumarka Soomaaliyeed, isaga oo intaas ku daray in xukuumaddu ay ansixisay sharciyadii lagu ilaalinayey xuquuqda haweenka Soomaaliyeed.

Ra’iisul Wasaaraha, oo xusay kaalinta ay haweenku ku leeyihiin dowlad-dhiska iyo tayeynta hey’addaha Qaranka, ayaa ugu baaqay in ay u diyaar garoobaan doorashooyinka qof iyo codka ah ee dalka laga qabanayo, si ay u soo doortaan dumarkooda aqoonta leh ee wax u taraya dalka.

“Haweenku waa laf-dhabarta Qarankeennu ku tiirsanaa waqtiyo adag oo la soo maray, sidaas awgeed, waxaan doonaya in aan u mahadceliyo, kuna dhiirrigeliyo dedaalkooda naf-hurnimada ah iyo shaqada culus ee ay dalkooda u hayaan”. Ayuu yiri Ra’iisul Wasaaraha.

Ra’iisul Wasaaraha, oo ku bogaadiyey haweenka Soomaaliyeed kaalintooda muhiimka ah ee ku aaddan dowlad-dhiska, ayaa ugu baaqay shirkadaha gaarka loo leeyahay in ay fursad siiyaan haweenka aqoonta leh, si kor loogu qaado shaqo abuurka iyo awoodsiinta dumar.

Arbaco 15, Jan 2025 {HMC} Duniddu waxay sugaysaa ku dhawaaqista xabbad-joojinta taariikhiga ah ee Qasa iyo heshiis is-dhaafsi maxaabiis ah oo u dhexeeya Israa’iil iyo Xamaas si loo soo afjaro 466 maalmood ee duullaan xasuuqa ay Telaabiib ka wado dhulka Falastiiniyiinta ee marinka Qasa.

Marxaladaha heshiiska;

Heshiisku waxa uu u furmi doonaa saddex waji, mid walbana waxa uu socon doonaa 42 maalmood. Si kastaba ha ahaatee, Israa’iil ayaa lagu soo warramayaa inay ka xaajoonayso in heshiiska lagu koobo laba waji, sida ku cad qoraal qabyo ah oo ay heshay wakaaladda wararka ee Anadolu.

* Marxaladda 1: Tallaabooyinka bani’aadamnimada

Marxaladdan ayaa socon doonta muddo 42 maalmood ah, waxaana diiradda lagu saari doonaa sii deynta 33 maxbuus oo Israa’iili ah oo ay gacanta ku heyso Xamaas, kuwaas oo isugu jira kuwo nool iyo kuwa dhintay, oo ay ku jiraan haween, waayeel iyo dad xanuunsan.

Ciidamada Israa’iil ayaa dhanka kale isaga bixi doona deegaanno dhowr ah oo ku yaalla Qasa oo ay maamullaan.

Sii-deynta ugu horreysa ee maxaabiista Israa’iil ayaa dhici doonta toddobo maalmood ka dib markay xabbad-joojintu billaabato.

Arbaco 15, Jan 2025 {HMC} Waaxda la dagaallanka musuq maasuqa Kuuriyada Koofureed ayaa shaacisay in aroornimadi hore ee Arbacada maanta ah lasoo xiray madaxweynihi xilka laga xayuubiyay ee dalkaasi Yoon Suk Yeol.

Xariga Yoon ayaa yimid saacado kaddib marki ay boqollaal ka mid ah baarayaasha waaxdan iyo saraakiil boolis ay galeen hoyga Yoon Suk Yeol. Wuxuu ahaa iskudaygi labaad ee ay ciidamada boolisku ku galaan guriga madaxweynihi hore.

Kolonyo gaadiidka booliska oo kasii baxaya guriga madaxweynihi hore ayaa laga arkay muuqaallo ay baahiyeen warbaahinta gudaha iyo kuwa caalamiga ah.

Yoon ayaa muddo todobaadyo ah diidaanaa in uu isu dhiibo ciidamada hey’adda la dagaalanka musuqa ee Kuuriyada Koofureed, kuwaas oo ku soo oogay dacwado la xiriira musuq maasuq iyo isku day afganbi, hase yeeshee qareennadiisa iyo ilaaladiisa gaarka ah ayaa is hor taagay xariga madaxweynihi hore.

Yoon Suk Yeol ayaa 3-di bishaan December dul dhigay waddanka Kuuriyada Koofureed amar deg deg ah, kaas oo haddii uu dhaqan gali lahaa meesha ka saari lahaa xakunka madaniga ah, awoodda baarlamaanka iyo booliska, taladana ku koobi lahaa kaliya madaxweynaha.

Hase yeeshee shacabka iyo baarlamaanka ayaa taasi diiday, waxana ay keentay in saacado kaddib uu ka laabto go’aankaasi.

Baarlamaanka ayaa ugu danbeyntii xilka ka xayuubiyay madaxweynihi hore.