Isniin 04-Nov-2024 {HMC} Labada Gole ee Baarlamaanka Jamhuuriyadda Federaalka Soomaaliya ayaa maanta u codeeyay qoondada Miisaaniyadda Dowladda ee sanadka soo socda 2025 oo doodo badan ay ka yeesheen fadhiyadii u dambeeyay.

172 Mudane oo katirsan Labada Aqal ee Baarlamaanka ay u codeeyaan in ay aqbaleen, waxaa diiday 2 Xildhibaan halka uu ka aamusay mudane kale sida uu sheegay shirguddoonka oo kulankaas kaddib natiijada ku dhawaaqay.

Miisaaniyadda oo gaareysa $1,359,714,328 ayuu Guddiga Maaliyadda u qaabilsan Baarlamaanka la wadaagay Xildhibaannada labada Aqal halka Wasiirka Maaliyadda Maaliyadda Xukuumadda Federaalka uu sharaxay waxyaabaha lagu qabanayo.

Waxaa jiray Xildhibaanno katirsan Baarlamaanka 11aad ee Jamhuuriyadda Federaalka Soomaaliya oo dhowaan soo jeediyay in mushaarka loo kordhiyo Ciidamada maadaama lacagta miisaaniyaddu ay badan tahay.

Isniin 04-Nov-2024 {HMC} Nin ayaa la xiray kaasoo lagu soo oogay dacwad dil ah oo lala xiriirinayo toogasho ka dhacday waqooyi bari magalada Columbus ee dalka Mareykanka subaxnimadii Axadda, sida ay booliisku sheegeen.

Saraakiisha ayaa looga yeeray qeybta 3300 ee East 5th Avenue, oo u dhaw garoonka caalamiga ah ee John Glenn Columbus abbaare 5:50 am ka dib toogasho halkaas ka dhacday. Markii ay askartu yimaadeen, waxay heleen hal qof oo ka dhaawacan xabadka ayna ku taalo rasaas.

Dhibbanaha ayaa loo qaaday xarunta caafimaadka ee Grant isagoo xaaladdiisu liidato. Waxaa markii dambe la sheegay inuu u dhintay 6:21 subaxnimo dhawacii soo gaaray.

Inkastoo Boolisku aysan shaacin aqoonsiga ninla dilay iyo kan la dilay haddana warbaahinta Mareykanka ayaa qoraya in labafda ay yihiin Soomaali.

Qeybta Booliiska Columbus ayaa tuhmanaha ku sheegtay galabnimadii Axadda inuu yahay Cawil Maxamed oo 30 jir ah hase ahaayee weli ma shaacin magaca qofka la dilay.

Sida ku cad warqad dhaar ah, dembi-baarayaashu waxay wareysteen dhowr markhaati waxayna go’aamiyeen in dhibbanaha la dilay uu la dagaalamay Maxamed ka hor intaanay toogashadu dhicin.

Booliisku waxay sheegeen in Maxamed uu dhibanaha u qaaday goob kale toogashada ka dib, uuna isku dhiibay askarta iyadoon wax dhibaato ah dhicin.