Khamiis 16 May 2024 {HMC} – Israa’iil, ayaa maalintii labaad meydadka iyo dhaawaca askarteeda ka daabulaysa xerada Jabalia ee waqooyiga Qasa, oo illaa saddex diyaaradood oo nooca qumaatiga u kaca ay ka deggeen saacadihii u dambeeyay, iyadoo xilli horaba lagu sheegay khasaarihii ugu xooggana inay halkaa kala kulantay Israa’iil.

Dhimashada ugu badan ayaa gaartay askarta Israa’iil, markii ay gudaha u galeen dhisme si dhammeystiran loogu xiray qaraxyo, oo lagu qarxiyay markii ay gudaha u galeen.

Wuxuu ahaa howlgal ay si hagaagsan ay u qorsheeyeen kooxaha Falastiiniyiinta, oo sidoo kale madaafic la eegtay ciidankii iskudayay inay u soo gurmadaan askarta la qarxiyay.

Isku dhacyada tooska ah iyo weerarrada qorsheysan ayaa sidoo kale ka dhacaya gudaha Jabalia.

Xamaas ayaa soo bandhigay muuqaallo ay ku muujinayso howlgallada ay ka fuliyeen xerada Jabalia ee waqooyiga Qasa, Al-Zaytoun illaa Rafah,

Hooyooyinka dhalay 600 askari oo ka tirsan ciidanka Israa’iil ayaa war qoraal oo ay si wadajir ah usoo saareen waxay dalbadeen in si deg deg loo sameeyo waddo looga baxo dagaalka Qasa, halkaasoo askar badan saacadihii u dambeeyay looga dilay ciidanka Israa’iil.

Khamiis 16 May 2024 {HMC} – U qeybsanaha milliteriga ee safaarada dowladda Qatar ku leedahay Ethiopia, Sareeye Guuto Maxamed Cali Al-Xajri iyo taliyaha Jaamacadda Difaaca Ethiopia, Sareeye Guute Kebede Regasa ayaa kulan khaas ah ku yeeshay magaalladda Addis Ababa.

Qoraal ka soo baxay ciiddanka Difaaca Ethiopia (ENDF) ayaa lagu sheegay in kulankaasi oo dhacay Talaadadii la soo dhaafay looga hadlay arrimo kala duwan oo ay ku jireen xoojinta iskaashiga teknoolajiyada milliteriga ee labada dal.

Jeneral Maxamed Cali Al-Xajri waxa uu xusay inay taageero ka geysan doonaan xiriirka dhow ee iskaashiga milliteriga iyo sidii loo samayn lahaa xiriirka hay’adaha waxbarashada milliteriga, tababarada, cilmi baarista iyo qeybo kale.

Dhinaca kale, taliyaha Jaamacadda Difaaca Ethiopia, Jeneral Kebede Regasa waxa uu hoosta ka xariiqay inay lama huraan ahayd inay hay’adaha milliteriga labada waddan ka faa’ideystaan khibradaha iyo teknoolajiyada milliteriga ee u dhexeeya Qatar iyo Ethiopia.

Khamiis 16 May 2024 {HMC} – Shirka Golaha Wadatashiga Qaranka oo ka socdo xarunta Villa Soomaaliya, uuna guddoominayo Madaxweynaha Jamhuuriyadda Mudane Xasan Sheekh Maxamuud ayaa warbixin lagaga dhagaystay Wasaaradda gaashaandhigga iyo Taliska Ciidanka Xoogga Dalka

Taliska Ciidanka Xoogga Dalka ayaa soo bandhigay qorshaha xoreynta dalka iyo guulaha laga gaaray wajiga koowaad ee howlgalka lagu xoreeyey deegaanno badan oo ay xoog ku heysteen argagixisada manaxayaasha ah, magaalooyinkaas iyo deegaannadaas oo ka tirsan dowlad-goboleedyada Hirshabeelle iyo Galmudug.

Wasiirka Gaashaandhigga Xukuumadda Soomaaliya ayaa golaha Wadatashiga Qaran warbixin ka siiyay halka ay marayaan howlgalada ka dhanka ah Al Shabaab iyo qorshaha la doonayo in mar kale looga saaro deegaannadda Al Shabaab heestaan.

Kulankan waxaa ka qeyb-galay Ra’iisul Wasaare Kuxigeenka Xukuumadda Federaalka Soomaaliya Mudane Saalax Axmed Jaamac, Madaxweyneyaasha Dowlad-Goboleedyada, Jubbaland Mudane Axmed Maxamed Islaam, Koonfur-Galbeed Mudane Cabdicasiis Xasan Maxamed, Galmudug Mudane Axmed Cabdi Kaariye, Hirshabeelle Mudane Cali Guudlaawe Xuseen iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.