Arbaco jan-24 2024-{HMC} Dawladda Nigeria ayaa sheegtay in daraasiin ka tirsan koox jihaadiyiin ah ay dhinteen, halka kuwa kalana ay dhaawacmeen kadib dagaal ka dhacay koonfurta gobolka Diffa, ee u dhaw harada Chad sida ay sheegtay wakaalada wararka ee AFP.

Sida ay sheegtay dawladda, Kooxda Boko Haram ayaa soo weeraray askar ku sugnaa meel garoon diyaaradeed oo u dhaw xadka Nigeria.

Waxa halkaas ka dhacay ayaan ahayn kuwo si madax banaan loo xaqiijin karo. Gobolka Diffa ee dalka Nigeria ayaa ah mid marti galiya kumanaan qaxooti ah oo ka soo cararay weerarada kooxda jiihadiyiinta.

XIGASHO AFP

Arbaco jan-24 2024-{HMC} Dawladda Ciraaq ayaa ku eedeysay Maraykanka in ay si aan ka fiirsi lahayn uga sii darayaan xaalka, kadib duqaymo kale oo ciidamada Maraykanku ku qaaday kooxaha ay Iran taageertu eek u sugan dalka.

Afhayeen u hadlay ra’iisul wasaaraha Ciraaq ayaa ku qeexay weeraradaan kuwa faragalin ah kuwaas oo wax u dhimaya madaxbanaanida waddanka.

Wasiirka difaaca ee Maraykanka, Lloyd Austin ayaa sheegay in duqaymahaas oo laga fuliyay saddex aag ay ahaayeen kuwa aan laga maarmi Karin, ayna ahaayeen jawaab aan toos ahayn oo ay ka bixinayeen weeraro is-xigxiga oo lagu qaaday ciidamads Maraykanka ee Ciraaq.

Dawladda Ciraaq ayaa marar kala duwan ugu baaqday Washington in ay la baxdo 2,500 ee askari ee ka jooga Ciraaq.

XIGASHO Reuters

Arbaco jan-24 2024-{HMC} Dibadbaxyadan – oo ah kuwii ugu ballaarnaa ee la oggolaado tan iyo intii Madaxweyne Samia Suluhu Hassan ay xilka la wareegtay – ayaa billowday.

Dadka ka qeyb qaadanaya ayaa waddooyinka ku kaxeynaya mootooyin, halka qaar kalena ay lugeynayaan, lulayaan calamada leh midabka xisbiga mucaaradka ee Chadema.

Saraakiisha booliiska ayaa goobta jooga, iyagoo barbar socda dibadbaxayaasha.

Arbaco jan-24 2024-{HMC}  Masaajiddo iyo kaniisado ayaa lagu gubay gobolka bartamaha Nigeria ku yaalla ee Plateau kaddib muran ka billowday lo’ oo isu beddelay mid uu dhiig ku daato.

Siddeed qof ayaa ku dhintay isku dhacyadan oo ka dhacay deegaanka Mangu kaddib markii lo’ ay kusoo baxsatay waddo iyagoo xannibay isu socodka gaadiidka.

Barasaabka gobolka ayaa bandow 24 saacadood ah kusoo rogay halkaas si wax looga qabto rabshadda, inkastoo weli la oggol yahay in la aaso dadka dhintay.

Gobolkan bartamaha dalkaas ku yaalla ayaa wuxuu caan ku yahay isku dhacyada qowmiyadaha u dhaxeeya kuwaasoo aalaaba isu beddela kuwo diin iyo isir ku saleysan.

Plateau, dhanka waqooyi waxaa ku badan Muslimiin halka koofurtana ay ku badan yihiin Kirishtaan.

Arbaco jan-24 2024-{HMC} Qaraxa oo ka dhacay isgoyska Cali Kamiin ayaa waxaa fuliyay ruux iskusoo xiray waxyaabaha qarxa, kaasoo la sheegay in ciidamada amniga iney dhaawaceen ka hor inta uusan is qarxin.

Dad goobjoogayaal ah ayaa warbaahinta u xaqiijiyay in qaraxa ay ku dhinteen laba ruux oo shacab ah islamarkaana uu ku dhaawacmay askari ka tirsan ciidanka ku sugna Isgoyska.

warbaahinta dowladda Soomaaliya ayaa lagu baahiyay qoraalkan oo u qornaa sidan”Qof naftii Halige ah oo isku soo xiray waxyaabaha qarxa ayaa ciidanka ammaanka ku joojiyeen inta u dhaxaysa isgoyska Cali Kamiin iyo Laba Dhagax. Shaqsigaan oo doonayay in uu dadka shacabka dhibaateeyo ayaa kaligiis ku haligmay qarixii ku xirnaa Ciidanka ammaanka oo dareemay dhaqdhaaqa Sharwadaha ayaa ka hor inta uusan Qarxin”.

Xaalada ay ah hada mid degan oo uu dib u soo laabtay isku socodka gaadiidka iyo dadweynaha Isgoyska Cali Kamiin oo mudo kooban hakad ku jiray.