Sabti 18 Oct 2025 {HMC} Wasiirka Gaashaandhigga XFS, Mudane Axmed Macallin Fiqi, oo booqasho rasmi ah ku jooga Dalka Talyaaniga, ayaa magaalada Rome kula kulmay dhiggiisa Talyaaniga, Mudane Guido Crosetto.

Kulanka labada Wasiir ayaa diiradda lagu saaray xoojinta iskaashiga labada Dal ee dhinacyada difaaca, amniga badda, dhismaha iyo tayeynta CXD, maalgelinta howlgalka AUSSOM, iyo la dagaallanka argagixisada, iyadoo la isla gartay in la dardargeliyo mashaariicda wadajirka ah ee qaybta ka ah Qorshaha Mattei ee Talyaaniga.

6+++
Labada Wasiir ayaa hoosta ka xariiqay xiriirka taariikhiga ah iyo iskaashiga dhow ee ka dhaxeeya Soomaaliya iyo Talyaaniga, iyo muhiimadda ay leedahay in la sii xoojiyo dadaallada lagu xaqiijinayo nabadda iyo xasilloonida gobolka.

Sabti 18 Oct 2025 {HMC}  Madaxweynaha Dowlad-Goboleedka Hirshabeelle Cali Cabdullaahi Xuseen (Cali Guudlaawe) ayaa xil ka qaadis ku sameeyay 6 Garsoore, ma sheegin sababta dhalisay go’aankaan xil ka qaadista ah iyo goobaha ay howlgallayeen.

Qoraal lagu daabacay Barta Facebook ee Madaxtooyada Dowlad-Goboleedka Hirshabeelle ayaa lagu sheegay magacyada lixdaan Garsoore, waxaana ka dhashay falcelin ay sameeyeen qaar kamid ah Dadka ku xiran boggaan.

Sarkaal sare oo ka tirsan Xamaas, Maxamed Nazzal ayaa u sheegay Reuters in kooxda ay qorsheyneyso inay sii hayso ammaanka Qasa inta lagu jiro marxaladda kala-guurka, isla markaana “aysan awoodin inay ballan-qaaddo in ay hubka dhigeyso.”

Markii la weydiiyay haddii Xamaas ay hubka dhiibi doonto, Nazzal wuxuu ku jawaabay: “Ma oran karo haa ama maya. Waxay ku xiran tahay mashruuca. Maxay ka dhigan tahay hubka dhigistu? Yaa loo gacan gelinayaa hubka?”

Horey Xamaas waxay ku xirtay si ay hubka u dhigto in la dhiso Dawlad Falastiin oo madax bannaan, taa oo ay sheegeen inay ku wareejinayaan hubka, dagalayahannada ku darayaan ciidanka Qaranka Falastiin.

Jimc, 17 Oct 2025 {HMC} Cutubyo ka tirsan booliiska qaranka oo ka talo bixiya ammaanka ciyaaraha kubadda cagta ayaa taageeray go’aanka looga mamnuucay taageerayaasha Maccabi Tel Aviv ciyaarta bisha soo socota ka dhici doonta Birmingham.

Waaxda Bilayska ee sugta ammaamka Kubadda Cagta UK, oo ka kooban saraakiil sarsare, waxay talo siisaa ciidamada booliiska ee England iyo Wales.

Bayaan ay soo saareen, cutubku wuxuu ku sheegay in ay uga warbixiyeen wasaaradda arimaha gudaha usbuucii hore arrimaha suurtagalka ah ee mas’uuliyiinta laga yaabo inay la kulmaan, oo ay ku jiraan xayiraado lagu soo rogo taageerayaasha imaanaya.

“Waa muhiim in aan ixtiraamno oo aan taageerno nidaamka la dajiyay ee jira si loo gaaro go’aamadan,” ayaa lagu yiri bayaanka.

“Haddii ay dhacaan wax shil ah, markaas Kooxda La-talinta Badbaadada iyo Badbaadada Isboortiga] ayaa qaadi doono mas’uuliyadda.”