Axad  28 Sep 2025 {HMC} Qoraal kasoo baxay Gudoomiyaha madasha samatabixinta mucaaradka Shiikh Shariif Shiikh Axmed ayaa lagu yiri”

“Waxaa nasiib darro ah inay wali sii socdaan xariga sharci darrada ah iyo cabburinta bulshada caasimadda, waxaana codkeyga ku biirinayaa in si deg-deg ah loo sii daayo haweenka iyo dhalinyarada Ciidamada Boolisku maanta ay ka xireen xaafada Horseed ee Degmada Hodan xili ay muujinayeen dareenkooda ku aadan barakicinta sharci darrada ah.

Cabashada shacabku waa dareen bulsho oo ay tahay in si dhab ah ay dowladu u wajahdo mana ahan wax u wanaagsan dowlanimada, xasilloonida iyo ammaanka in looga jawaabo codka shacabka xarig iyo cabburin waana arrinta mar walba aan ka digayno”

Axad  28 Sep 2025 {HMC} Dowladda Mareykanka ayaa Dowladda wadanka Turkiga u gudbiyay codsi la xiriira in shirkadda diyaaradaha aan duuliyaha lahayn ee Baykar ay xarumo wax soo saar ka furato gudaha Mareykanka , si Mareykanka uga faa’iideysto tiknoolajiyada Turkiga ,sida uu warbaahinta u sheegay wasiirka arrimaha dibadda Turkiga ,Hakan Fidan.

Maxeey tahay waxa ay Dowladda Mareykanka uga baahanyahay Diyaaradaha aan duuliyaha laheyn Turkiga ee Baykar.?

Mareykanka wuxuu leeyahay diyaaradaha aan duuliyaha lahayn oo loo arko kuwa ugu sarreeya caalamka , balse waa kuwo ku fadhiya dhaqaale badan si ka duwan kuwa Turkiga oo leh tiknooliyad iyo awood casri ah, balse toban jibbaar qiimo ka hooseeya kuwa Mareykanka lagu soo saaray.

Wuxuu ka walaacsanyahay Mareykanka , wax soosaarka Shiinaha ee diyaaradaha aan duuliyaha lahayn oo xarga goostay, taa oo Mareykanka uusan sameyn karin , sabab la xiriirta qiimaha badan ee ku baxaya diyaaradahiisa, si taa meesha looga saaro iskaashiga wax soosaarka ee Turkiga ayaa u suragelin kara inuu qeyb ka noqdo tartankaa.

Si fudud , waa wax la mid ah tallaabada uu Ruushka ku adeegsado diyaaradaha aan duuliyaha lahayn ee Iiraan, isagoo heysta kuwa leh awood sare, hadana qiimaha hoose ee ay ku kacayaan diyaaradaha Iiraan ayaa ku qasbay inuu adeegsado diyaaradaha Shahed, si uu ugu adkeyso dhaqaale ahaan dagaalka waqtiga dheer socda ee Ukraine.

Axad  28 Sep 2025 {HMC} Faah faahino Dheeraad ah ayaa laga helayaa is risaaseeyn kooban oo Maanta ka Dhacday Magaalada

Dad ku larisa Dareeska Ciidamada Millatariga Soomaaliya ayaa is risaaseeyntaan waxaa ay ku Dhax martay Bartamaha Magaalada Baladweyne Gaar ahaan Agagaarka Suuqa Daraawshta halkaasi oo ay Ganacsiyo kala Duwan ay ku lee yihiin Qaar kamid ah Shacabka Baladweyne

Ugu yaraan 2 Qofood oo uu ku jiro Madixii Maaliyada Garoonka Diyaaradaha Baladweyne Cabdullaahi Diiroow ayaa ku Dhawaacmay is rasaaseeyntan ka Dhacday Magaalada Baladweyne kuwaasi oo haatan Xaaladooda Caafimaad lagula tacaalayo Qaar kamid Isbitaalada Magaalada

Majirto wax war ah oo kasoo Baxaay Maamulka Magaalada Baladweyne iyo Kan Gobolka Hiiraan oo ay kaga hadlayaan Dagaalkii koobnaa ee Magaalada,

Mudooyinkii ugu Dambeeyey Baladweyne waxaa kusoo badanayey Dadka Sita Hubka Nuucyadiisa kala Duwan kuwaas oo Dhibaatooyin ay ku qabaan Shacabka Majirto wax tallaabo ah oo Arintaas laga Qaaday.