Axad 21 Sep 2025 {HMC} Odayaasha Huurshe oo ka Hadlay Sababtii Keentay in La gubo Masaajid.
{DAAWO MUQAALKA} Wararkii ugu Dambeeyay 21-09-2025.
Axad 21 Sep 2025 {HMC} Waxaa halkan idin kugu soo gudbineynaa Wararkii ugu Dambeeyay Soomaaliya iyo Caalamka ee Warbaahinta Hiiraanweyn.
HOOS KA DAAWO WARARKII UGU DAMBEEYAY
Saddex Qodob oo Ka Soo Baxay Ka-Qaybgalka Madaxweyne Xasan ee Furitaanka Biyo-xireenka Itoobiya.
Axad, 21,Sep 2025 {HMC} Saddex Qodob oo Ka Soo Baxay Ka-Qaybgalka Madaxweyne Xasan ee Furitaanka Biyo-xireenka Itoobiya
1. Fashilka Dadaalladii Wada-hadallada Jubbaland
Dadaal uu Madaxweyne Xasan doonayay inuu kula kulmo Madaxweynaha Jubbaland, Axmed Madoobe, ka hor inta uusan tegin Shirka Qaramada Midoobay, ayaa hakaday. Dadaalladan oo ay hormuud ka ahayd Dowladda Kenya ayaa dhicisoobay.
Xogaha la helay ayaa muujinaya in Axmed Madoobe, kaddib markii uu dhageystay talooyinka mucaaradka, uu ka baaqsaday kulanka.
Villa Soomaaliya waxay doonaysay in kulanka loo adeegsado muuqaal siyaasadeed oo lagu tuso caalamka in khilaaf siyaasadeed oo baaxad leh uusan dalka ka jirin. Qodob kale, wuxuu ahaa in lagu abuuro shaki u dhexeeya Saciid Deni iyo Axmed Madoobe, kuwaas oo dhawaan heshiis gaadhay kaddib khilaaf dheer.
Dhanka mucaaradka, Madasha Samatabixinta Soomaaliyeed oo ka sastay garabkii mucaaradka ee uu Madaxweyne Xasan kala go’ay, ayaa si buuxda uga hortagtay kulanka.
2. Rabitaanka Itoobiya ee Badda Cas oo Sii Adkaanaya
In kasta oo Madaxweyne Xasan muujiyay niyad wanaag iyo is-afgarad uu la leeyahay Itoobiya, haddana damaca Itoobiya ee ku aaddan inay hesho marin badeed wuxuu sii xoogeysanayaa maalinba maalinta ka dambeysa. Waxaana jirta cabsi isa soo taraysa oo ku saabsan in Itoobiya isku daydo inay ku fiddo biyaha Soomaaliya ama Ereteriya.
Haddii taasi dhacdo, waxay ku soo beegmi doontaa xilli Soomaaliya ay lumisay isbahaysigii saddex geesoodka ahaa ee horay uga hor yimid damacaas.
3. Masar oo Ku Dhawaaqday Ciidan ku daabbulayso Soomaaliya
Dowladda Masar ayaa ku dhawaaqday inay ciidammo u direyso Soomaaliya. Wargeyska ugu weyn ee dowladda taageersan, Al-Ahraam, ayaa qoray in Masaaridu ay Soomaaliya u aragto goob muhiim ah oo culays laga saarikaro Itoobiya.
Waxaa intaas dheer in wargeysku xusay in xiriirka taariikhiga ah ee ka dhexeeya labada dal uu dhiirrigelinayo in shacabka Soomaaliyeed loo muujiyo taageero iyo garab istaag.
Falanqayn
Madaxweyne Xasan wuxuu ku jiraa xaalad siyaasadeed oo cakiran oo ka dhalatay siyaasaddiisa ku dhisan garab-raradka. sidaas darteed, dalku wuxuu wajahaa caqabado adag oo la xiriira siyaasadda gudaha, deriska, iyo loollanka juqraafiyeed ee cusub ee Masar ku soo biirtay.
Caqabadda ugu weyn ayaa ah in, iyadoo muddo-xileedka Madaxweynaha uu dhammaad yahay, aysan weli jirin tub qaran oo la isku raacsan yahay oo lagu wajaho kala-guurka iyo doorashooyinka.
Dhanka kale, Madasha Samatabixinta Soomaaliyeed ayaa maalinta berri ah ku qabanaysa magaalada Muqdisho shir muhiim ah oo noqon doona midkii ugu horreeyay shirar taxane ah oo cadaadis lagu saari doona Madaxweyne Xasan inuu aqbalo hannaan siyaasadeed oo lagu gaaro doorasho heshiis lagu yahay.
Arrintan ayaa sii adkaysay xaaladda, maadaama Madaxweyne Xasan uu weli muujiinayo diidmo uu ku tanaasulo, isagoo u muuqda inuu wax kasta sameyn doono si uu xilka ugu sii nagaado.
Ahmed Abdihadi,
Maxay Falastiin uga dhigan tahay in la aqoonsado?
Axad, 20,Sep 2025 {HMC} Falastiin waa dawlad jirta oo aan jirin.
Waxay heysataa aqoonsi caalami ah oo weyn, ergooyin diblomaasiyadeed oo dibadda ah iyo kooxaha ku tartamaya tartamada ciyaaraha oo ay ku jiraan Olombikada.
Laakiin khilaafka muddada dheer soo jiitamayay ee Falastiiniyiinta iyo Israa’iil awgii, waxa ay leedahay:
Ma jiro xudduud caalami ah oo lagu heshiiyey
Raasamaal malaha
Ciidan malaha
Qabsashada millatari ee Israa’iil awgeed, Daanta Galbeed, maamulka Falastiiniyiinta, oo lagu dhisay heshiisyadii nabadeed ee sagaashamaadkii, ayaan si buuxda u maamulin dhulkooda iyo dadkooda.
Qasa, oo ah halka ay sidoo kale Israa’iil awood ku haysato, ayaa waxa ka socda dagaal khasaare badan gaystay.
Marka la eego heerka ay ku sugan tahay sida nooc ka mid ah dawlad-goboleedka, aqoonsigu waa lama huraan inuu xoogaa astaan u yahay. Waxay ka dhigan tahay hadal akhlaaqeed iyo mid siyaasadeed oo xooggan, laakiin wax yar ayay ka beddeli doontaa dhulka.
Laakiin astaantu waa xoog badan tahay.
Sida xoghayihii hore ee arrimaha dibadda David Lammy uu tilmaamay mar uu khudbad ka jeedinayay Qaramada Midoobay bishii Luulyo ee la soo dhaafay, “Britain waxaa saaran culeys gaar ah oo mas’uuliyad ah si ay u taageerto xalka labada dal”.
Xigasho BBC
WAR DEG DEG AH : Dowladdaha UK, Australia iyo Canada oo hadda aqoonsaday Falastiin
Axad, 20,Sep 2025 {HMC} Keir Starmer ayaa ku dhawaaqay in UK ay aqoonsatay dowlad Falastiini ah.
“Maanta, si loo soo nooleeyo rajada nabadda ee Falastiiniyiinta iyo Israa’iiliyiinta, iyo xal laba dawladood ah, Boqortooyada Ingiriiska waxay si rasmi ah u aqoonsan tahay Dawladda Falastiin,” ayuu yiri raysal wasaaraha Ingiriiska.
Australia waxay aqoonsatay Falastiin
Australia ayaa sidoo kale hadda ku dhawaaqday inay aqoonsatay dawlad Falastiini ah, oo ku biirtay Canada oo ah waddankii labaad ee G7 ee si rasmi ah sidaas u sameeya.
Marka loo eego macnaha guud: Canada iyo Australiya labaduba waxay horay toddobaadkan Golaha Guud ee Qaramada Midoobay ee New York ugu soo bandhigeen rabitaankooda ah inay si rasmi ah u aqoonsadaan dawlad Falastiin ah.
Canada oo noqotay dalkii ugu horreeyay ee G7 ee aqoonsada dawlad Falastiini ah
Ra’iisul Wasaare Mark Carney ayaa sheegay laga bilaabo maanta, “Canada waxay aqoonsan tahay dawladda Falastiin”.
War qoraal ah oo lagu daabacay akoonkiisa X, Carney wuxuu yiri: “Canada waxay aqoonsan tahay Dawladda Falastiin waxayna bixineysaa iskaashiyada dhismaha ballan-qaadka mustaqbalka nabdoon ee labadaba Dawladda Falastiin iyo Dawladda Israa’iil.”
masjid ku yaala Galgaduud Oo Dab la qabad siiyay ..
Axad, 20,Sep 2025 {HMC}Wararka ka imaanaya deegaanka Huurshe ee gobolka Galgaduud ayaa sheegaya in dab lagu qabadsiiyay mid ka mid ah masaajidda ugu waaweyn ee deegaankaas.
Goobjoogayaal ayaa sheegay in shacabka deegaanka ay si wadajir ah u go’aansadeen in masaajidkaas la gubo, kaddib markii lagu eedeeyay inuu ka horjeeday dariiqada iyo caqiidada ay bulshada deegaankaas raacsan tahay muddo dheer.
Dabka ayaa gebi ahaanba burburiyay dhismaha masaajidka, waxaana la sheegay in wixii ka soo harayba la dumiyay.
Xogaha hordhaca ah ayaa tilmaamaya in masaajidkaasi ay ku cibaadaysan jireen koox dad ah oo leh aragti ka duwan dariiqada bulshada deegaanka, taasoo keentay khilaaf xoogan oo sababay tallaabada lagu gubay.
Dhacdadan ayaa lagu sheegay mid ku cusb gudaha Soomaaliya, maadaama ay tahay markii ugu horreysay ee si toos ah loo gubo masaajid Alle lagu caabudo, sababo la xiriira khilaaf dariiqo diimeed.
Arrintani ayaa keentay muran iyo walbahaar bulshada dhexdeeda ah, iyadoo weli aanay jirin war rasmi ah oo kasoo baxay maamulka Galmudug ama culimada deegaanka ee ku saabsan dhacdadan.
{DAAWO MUQAALKA} Masar oo ku Dhawaaqday ineey sii Xoojin Doonta Taageerada Soomaliya
Axad 21 Sep 2025 {HMC} Masar oo ku Dhawaaqday ineey sii Xoojin Doonta Taageerada Soomaliya
HOOS KA DAAWO MUUQAKA
R/Wasaare Xamsa ”ayaa maanta dhagax-dhigay xarunta Wasaaradda Waxbarashada.
Axad, 20,Sep 2025 {HMC} Ra’iisul Wasaaraha Xukuumadda Federaalka Soomaaliya,Xamsa Cabdi Barre, ayaa maanta dhagax-dhigay xarunta Wasaaradda Waxbarashada, Hiddaha iyo Tacliinta Sare, taasi oo laga hirgelinayo dhisme casri ah oo qeyb ka qaadan doona horumarinta deegga Waxbarasho ee dalka.
Ra’iisul Wasaaraha ayaa sheegay in dib-u-dhiska xarunta Wasaaradda Waxbarashada dalka ay muujinayso dadaalka dowladda ee ku aaddan tayeynta adeegyada bulshada iyo barbaarinta Ubadka Soomaaliyeed, maadaama ay wasaaraddani ka mid tahay tiirarka ugu muhiimsan ee dowladda.
“Xukuumadda DanQaran waxa ay dadaal badan gelisay tayeynta waxbarashada dalka iyo casriyeynta dhammaan nidaamyada waxbarashada bilow ilaa dhammaad, waxaa la dhisay Guddiga Tacliinta Sare si loo helo waxbarasho jaamacadeed oo horumarsan, Waxaana naga go’an in ubadkeennu helaan aqoon iyo xirfad tayo sare leh”. Ayuu yiri Ra’iisul Wasaare Xamsa.
“Wasaaraddaan Waxaa ay ka mid tahay Wasaaradaha ugu muhiimsan dalka, maadaama ay maamuleyso wixii ugu muhiimsanaa ee dalkani uu lahaa oo ah ubadka, dhallinyarada doonaya in ay wax bartaan dowladda waxaa ay ku leeyihiin waa in ay hagaajiso goobihii ay wax ku baran lahaayeen”.
Ra’iisul Wasaaraha ayaa uga mahadceliyey masuuliyiinta Wasaaradda Waxbarashada dalka dadaalkooda ku aaddan horumarinta adeegga waxbarasho ee dalka, ilaalinta xogta ardayga iyo casriyeynta nidaamka tacliinta.
{DAAWO MUQAALKA} Dalka Eswatini oo ciidamo Nabad ilaalin ah usoo Dirayo Soomaaliya
Axad 21 Sep 2025 {HMC} Dalka Eswatini oo ciidamo Nabad ilaalin ah usoo Dirayo Soomaaliya
HOOS KA DAAWO MUUQAKA
{DAAWO MUQAALKA} Madaxweyne Xasan sheekh oo qudbad ka jiidanayo Shirka Qaramada Midoobay.
Axad 21 Sep 2025 {HMC} Madaxweyne Xasan sheekh oo qudbad ka jiidanayo Shirka Qaramada Midoobay.