Khamiis 11, Sep 2025 {HMC Dibadbaxyo rabshada wata oo lagaga soo horjeedo siyaasadaha dhaqaale ee madaxweyne Emanuel Macron, ayaa hareeyey guud ahaan dalka Faransiiska.

Dibedbaxyadan oo ay hormuud ka yihiin ururrada shaqaalaha oo ka gedoodsan wax-ka-beddel lagu sameeyey xeerarka shaqada iyo daryeelka bulshada, ayaa ku soo beegmay xilli Ra’isul Wasaare cusub uu xilka la wareegey, kaddib markii horraantii todobaadkan kalsoonida lagala noqday xukuumaddii talada haysay.

Dibad-baxayaashu waxay xidheen waddooyinka, waxayna dab qabadsiiyeen goobo dhowr ah, iyaga oo carqaladeeyay kaabayaasha dhaqaalaha iyo iskuullada dalka oo dhan.

Ku dhawaad ​​250 qof ayaa la xidhay subaxnimadii hore ee shalay, sida uu sheegay Wasiirka Arrimaha Gudaha ee xilka laga tuuray Bruno Retaillea

Arbaco  10, Sep 2025 {HMC} Wasaaradda Caddaaladda maamulka Puntland ayaa shaqo-joojin ku sameysay dhammaan nootaayooyinkii ku-meel gaarka ahaa ee ka howlgeli jiray magaalada Garoowe ee caasimadda Puntland.

Warqad rasmi ah oo uu ku saxiixan yahay Agaasimaha Guud ee Wasaaradda, Maryan Maxamed Abshir, ayaa lagu sheegay in laga bilaabo 10/09/2025 la joojiyay adeeggii ay bixinayeen nootaayooyinkaas, iyadoo laga jawaabayo ku dhaqan la’aanta xeerka cusub ee Nootaayooyinka Puntland oo dhawaan kasoo baxay wasaaradda Caddaaladda.

Shaqo-joojintan ayaa saameysay nootaayooyinkii ku-meel gaarka ahaa ee shaqeynayay muddo ku meel gaar ah, kuwaas oo aan wali si buuxda u buuxin shuruudaha ku xusan xeerka cusub.

Wasaaraddu waxay sheegtay in tallaabadan ay qayb ka tahay waxay ugu yeertay dadaallada lagu tayeynayo nidaamka nootaayooyinka Puntland iyo in la hirgeliyo adeegga casriga ah habka Online ka ah ee lagu dalbanayo adeeggan.

Hay’adaha Booliiska iyo Maxkamadaha ayaa lagu wargeliyay inaysan aqbalin wax adeeg sharciyeed ah oo kasoo baxa nootaayooyinkii shaqada laga joojiyay.

Qaar kamid ah Nootaayooyinka shaqada laga joojiyay oo aan la xiriirnay ayaa sharci darro ku tilmaamay go’aanka wasaaradda Cadaaladda, iyagoo sheegay in wasaaradda adeegsanayo tallaaboouin sharci darro ah oo lagu caburinayo qaar kamid ah nootaayooyinka Puntland, iyadoo ujeeddadu tahay in suuqa laga gaaro naataayooyinka madaxa bannaan.

Ra’iisul Wasaaraha Itoobiya ayaa maanta kulan la yeeshay Madaxweynaha Soomaaliya, Xasan Sheekh Maxamuud. Labada hoggaamiye ayaa ka wada hadlay arrimo dan wadaag ah oo gobolka khuseeya, iyaga oo mar kale adkeeyay go’aankooda ku aaddan xoojinta nabadda, amniga iyo horumarka gobolka.

Ra’iisul Wasaaraha Itoobiya Abiy Ahmed oo qoraal soo saaray ayaa yiri: “Waxaan mar kale xaqiijinay go’aankeena xoojinta nabadda, xasilloonida iyo horumarka gobolka.”

Kulanka waxaa xaadiray Wasiirka amniga guddaha Jen. Fartaag oo si gaar ah u xiisaynaya amniga Gobolka Gedo oo ku yaalla xuduudka Soomaaliya la wadaagto Itoobiya iyo Kenya.