Arbaco 15, May 2025 {HMC} Gudiga Doorashooyinka oo shahaadada Siyeey Xisbiga uu Hogaaminayo Xasan sheekh.
HOOS KA DAAWO MUQAALKA WARBIXINTA
{DAAWO MUUQAALKA} Xildlhibaan Odawaa Doorashada soo socoto Madaxweyne Xasan sheekh ayaa nagu hogaaminaa”
Arbaco 15, May 2025 {HMC} Xildlhibaan Odawaa Doorashada soo socoto Madaxweyne Xasan sheekh ayaa nagu hogaaminaa”
HOOS KA DAAWO MUQAALKA WARBIXINTA
{DAAWO MUUQAALKA} Ku dhawaad 30 Sano kadib Turkiga oo ku Guuleystay inuu isku keeno Mareeykanka iyo Suuriya
Arbaco 15, May 2025 {HMC} Ku dhawaad 30 Sano kadib Turkiga oo ku Guuleystay inuu isku keeno Mareeykanka iyo Suuriya
{DAAWO MUUQAALKA} Madaxda Mucaaradka oo War Culus ka soo saaray Xaalada Siyaasadeed ee Dalka
Arbaco 15, May 2025 {HMC} Madaxda Mucaaradka oo War Culus ka soo saaray Xaalada Siyaasadeed ee Dalka
{DAAWO SAWIRADA} Wasiirka Arrimaha Dibadda Soomaaliya oo la kulmay iyo Ra’iisul Wasaare Ku-xigeenka Ciraaq.
Arbaco, 14-ka May, 2025 {HMC} – Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaan Cabdi Cali, ayaa maanta kulan kula yeeshay magaalada Baghdad Ra’iisul Wasaare Ku-xigeenka ahna Wasiirka Arrimaha Dibadda ee Jamhuuriyadda Ciraaq, Mudane Fuad Hussein.
Kulanka ayaa diiradda lagu saaray xoojinta xiriirka laba geesoodka ah ee u dhexeeya labada dal ee walaalaha ah, kobcinta iskaashiga istiraatiijiga ah, iyo horumarinta danaha wadaagga ah.
Labada wasiir waxay si qoto dheer uga wada hadleen fursadaha iskaashi ee dhinacyada Aminga, Xoolaha, dhaqaalaha buluugga, kalluumeysiga, iyo arrimaha siyaasadda, iyadoo la xusay muhiimadda wadashaqeyn iyo isku-duwid siyaasadeed oo joogto ah si kor loogu qaado mowqifyada labada dal ee ku aaddan xaaladaha gobolka iyo caalamka.
Wasiirka Arrimaha Dibadda Ciraaq, Mudane Fuad Hussein, ayaa mar kale muujiyay taageerada joogtada ah ee dalkiisu u hayo Dowladda Federaalka Soomaaliya iyo shacabka Soomaaliyeed, isagoo si cad u adkeeyay mowqifka Ciraaq ee ku aaddan garab istaaga dowlada iyo dadka Soomaaliyeed.
Mucaaradka soomaaliya oo si cad u dhaliilay xisbiga xalay lagu dhawaaqay ee …………..
Arbaco, May 14, 2025 {HMC} Qaar kamid ah madaxdii hore ee talada dalka soo qabatay iyo siyaasiyiin kale oo mucaarad ah, ayaa war-saxaafadeed wadajir ah oo ay soo saareen ku caddeeyay in ay burburtay madashii Wadatashiga Qaran , iskuna baddeleen xisbi doonaya in talada xoog ku heestaan.
Qoraalka ay soo saareen siyaasiyiintan ayey ku sheegeen in Madaxweyne Xasan Sheekh u dhaqaaqay jidkii mudda kororsiga ee horseedi lahaa abuurista qalalaase siyaasadeed iyo mid amni. Waxa ayna ku baaqeen siyaasiyiintan in lagu isugu yimaado wadatashi siyaasadeed oo looga arrinsanayo xaaladaha soo kordhay.
“Ku talinaynaa in degdeg loo guda-galo wadatashi siyaasadeed oo ay isugu yimaadaan xoogagga siyaasadeed, iyo qaybaha kala duwan ee bulshada, si dalka looga samatabixiyo kalitalisnimo lagu burburinayo dastuurkii heshiiska lagu ahaa, nidaamkii federaalka iyo awood qaybsigii siyaasadeed ee saldhigga u ahaa xasilloonnida dalka, loona abuuro cudud midaysan oo looga hortagayo kooxaha argagexisada.” ayaa lagu yiri qoraalka.
War-saxaafadeedkan wadajirka ah ee soo saareen siyaasiyiinta mucaaradka , ayaa looga digay Madaxweyne Xasan Sheekh in uu ka waantoobo fidnada uu ka abuurayo mar kale deegaannada Jubbaland, sidoo kale joojiyo caburrinta iyo afduubka ay geesanayaan koox ka ammar qaadata.
Ra’iisul wasaare xamse oo guddoomiyey shir muhiim ah
Arbaco, May 14, 2025 {HMC} Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa guddoomiyey kulanka Guddiga Sare ee Sanduuqa Nabadda iyo Xasilloonida Soomaaliya oo ay hirgelintiisa Soomaaliya ka taageereyso Dowladda Talyaaniga.
Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa sheegay in barnaamijkani uu yahay mid horumarineed oo ku saleysan qorshaha Qaran ee dowladda, isla markaana uu wax weyn ka tari doono tayeynta adeegyada aasaasiga ah iyo horumarinta deegaannada laga xoreeyay kooxaha Khawaarijta.
Intii uu kulanka socday, waxa uu guddigu ansixiyay saddexdii mashruuc ee ugu horreyey ee hoos yimaada barnaamijka TPSS – kuwaas oo dhammaantood diiradda saaraya xoojinta nidaamka caafimaadka aasaasiga ah ee Soomaaliya, lagana hirgelin doono deegaannada Jubbaland, Galmudug iyo Hirshabelle.
Sanduuqa Nabadda iyo Xasilloonida Soomaaliya ee (TPSS), waxaa maalgelinaya Dowladda Talyaaniga, waxaana hirgelinaya Xafiiska Ra’iisul Wasaaraha. iyada oo shirka uu guddigu maanta yeeshey uu ka qeyb galay Danjiraha Dowladda Talyaaniga u fadhiya Soomaaliya H.E. Pier Mario Daccò Coppi.
Wasiir Fiqi oo dagaalka AS kala hadlay saraakiil Turki ah
Arbaco, May 14, 2025 {HMC} Wasiirka Difaaca Soomaaliya, Axmed Macallin Fiqi, ayaa magaalada Muqdisho kulamo kula yeeshay Agaasimaha Guud ee Wasaaradda Arrimaha Gudaha ee Turkiga, Safiirka Turkiga iyo iyo saraakiil sare oo ka tirsan Ciidanka Turkiga.
Kulanka ayaa diiradda lagu saaray xoojinta iskaashiga laba geesoodka ah, gaar ahaan dhinacyada amniga iyo la-dagaallanka AS.
Labada dhinac ayaa mar kale adkeeyay muhiimadda ay leedahay iskaashiga istaraatiijiga ah ee u dhexeeya Soomaaliya iyo Turkiga, kaas oo salka ku haya taageerada dhanka difaaca iyo Amniga.
Wasiir Fiqi ayaa bogaadiyey doorka Turkigu ka qaadanayo taageerada Soomaaliya, isagoo xusay in xiriirka labada dal uu yahay mid dhidibada u aasay iskaashi walaaltinimo, ixtiraam iyo dan wadaag.
Safiir Alper Aktaş iyo wafdigiisa ayaa dhankooda xaqiijiyey in Turkigu sii wadi doono garab istaagga shacabka iyo dowladda Soomaaliyeed, gaar ahaan la dagaallanka As, dib u dhiska hay’adaha amniga, iyo taageerada tababarka iyo qalabaynta ciidamada.
Dowladda Soomaaliya oo dadaal ugu jirto in lasoo qabto dadka la shaqeeya Magafayaasha Libya
Arbaco, May 14, 2025 {HMC}- Dowladda Soomaaliya ayaa ku dhawaaqday inay qaadayso tallaabooyin lagu soo qabanayo dadka Soomaaliyeed ee la shaqeeya kooxaha Magafayaasha ah, kuwaas oo ka qayb qaata tahriibinta muwaadiniinta Soomaaliyeed iyo ku wareejintooda kooxaha magafayaasha.
Xeer Ilaaliyaha Guud ee Soomaaliya, Suleymaan Maxamuud Maxamed, ayaa sheegay in dowladda Soomaaliya, iyadoo kaashaneysa iskaashi caalami ah, ay diyaarisay hab sahlaya in la helo, oo lasoo qabto, laguna soo celiyo dalka dadkaasi, si maxkamadooda looga dhigo gudaha Soomaaliya.
“Waxaa noo fududaanaysa in dadkeenna Soomaaliyeed ee ku sugan Suudaan, Libya, Algeria iyo Morocco oo dambiyo ka geystay Soomaaliya aan dalka kusoo celinno, iyadoo la adeegsanayo habraacyo sharciyeed oo fududaynaya xog uruurinta iyo caddeyntooda,” ayuu yiri xeer ilaaliyuhu.
Sidoo kale, Xeer Ilaaliyaha ayaa sheegay in Soomaaliya ay hadda si rasmi ah ugu biirtay heshiiska Qaramada Midoobay ee la dagaallanka dambiyada abaabulan ee caalamiga ah, taas oo ka dhigan in dowladda Soomaaliya ay heli doonto taageero iyo iskaashi caalami ah si loo soo qabto dambiilayaasha ku dhuumaaleysanaya dibadda.
Hadalka xeer ilaaliyaha ayaa kusoo beegmaya, iyadoo uu aad u kordhay tahriibka dhalinyarada Soomaaliyeed oo naftooda ku biimaynaya sidii ay nolol ka wanaagsan dalkooda uga heli lahaayeen qurbaha.
Dhalinyaro badan oo Soomaaliyeed ayaa muddooyinkii ugu dambeeyay ku geeriyooday iyagoo doonayay inay ka gudbaan badda Mediterranean si ay u gaaraan Yurub. Sido kale kuwa badan ayaa lagu xiray xabsiyada Libya iyo Aljeeriya, kuwaas oo loo haysto madax furasho.
{DAAWO MUQAALKA} Wararka ugu waa weyn Soomaaliya iyo Caalamka 14-5-2025
Arbaco 14, May 2025 {HMC} Waxaa halkan idin kugu soo gudbineynaa Wararka ugu waa weyn Soomaaliya iyo Caalamka ee Warbaahinta Hiiraanweyn