Khamiis 16, Jan 2025 {HMC} Maxkamadda Ciidamada Qalabka Sida ayaa dhageysatay dacwadda rag ku eedeysan in ay dhigteen Isbaaro ay ku dhici jireen dadka iyo gaadiidka Isticmaala inta u dhaxeysa Magaalooyinka Matabaan iyo Beledwayne.

Xeer ilaalinta Maxkamadda ayaa sheegay in la soo qabtay lix ruux oo si bareer ah u dhacayay gaadiidka, balse shank amid ah Maxkamadda la horkeenay, halka mid kale dhaawac dartii uu Isbitaal ugu Jiro.

Baaraha kiiska Eng Yuusuf ayaa sheegay in ay ragaan dhac bareer ah u geysanayeen dadka iyo gaadiidka, iyaga laftigoodana ay qiraal yihiin.

Sidoo kale, Dhamme Maxamuud Saciid, ku xigeenka xeer ilaalinta Maxkamadda Ciidamada Qalabka sida ayaa dalbaday in xukun adag lagu rido ragaan dhaca geystay.

Ugu dambeyn, Maxkamadda ayaa ragaan ku xukuntay mid 10 sano oo xabsi ciidan ah iyo hubkii oo lagala wareegay.

Khamiis 16, Jan 2025 {HMC} Madaxweynaha Dowladda Federaalka Soomaaliya, Xasan Shiikh Maxamuud ayaa soo dhaweeyay xabbad joojinta ay ku heshiiyeen Xamaas iyo Israa’iil.

War-saxaafadeed uu soo saaray Madaxweynaha ayuu ku sheegay inuu ku faraxsan yahay nabadda Qaza iyo dadaallada loogu jiro in xabbad joojin rasmi ah la dhaqan galiyo.

“Waxaan soo dhaweynaya warka xabbad joojinta Qaza iyo dadaalada ay wadaan dowladaha Qadar, Masar iyo Mareykanka – tani waxaa ay fursad wanaagsan u tahay dadka ku sugan Qaza ee u baahan gargaarka” ayuu yiri Madaxweyne Xasan Shiikh.

Sidoo kale, Bayaanka uu soo saaray Madaxweyne Xasan Shiikh wuxuu ku soo gaba gabeeyay in ay garab taagan yihiin Dowladnimada Falastiin.

Hadalka Madaxweynaha ayaa ku soo aadaya xilli Xamaas iyo Israel ay ku heshiiyeen xabbad joojin, isla markaasna la sii daayo Maxaabiista Israel.