Khamiis, 9,Jan 2025 {HMC} Kalluumeysato muddo bil ku dhow lagu la’aa xeebaha Somaliland ayaa iyaga oo bad qaba hadda laga helay xeebaha dalka Jamhuuriyadda Jabuti.

Ciidaanka ilaalada xeebaa dalka Djibouti oo ku guuda jira howlahoda ilaalinta xeebaha ayaa soo samatabixiyaay saddex kaluumaysto oo bil ka hor ka soo shiraacday magaalada Berbera.

Kalluumaysatdaan ayaa sheegay in cilladi kaga timid laashkii oo beterigii uu ka dhacay sidaasna ay 19 beri ku dul sabeynayeen badda.

Saraakiisha ciidamada ilaalada xeebaha Jabuuti ayaa sheegay in ay hadda ka caawinayaan kalluumaysatadaan in ay ku laabtaan deegaannadii ay markii hore ka yimaadeen ee gudaha Somaliland.

Saddexdaan nin ayaa sheegay in xaaladoodu ay wanaagsantahay isla markaana ay ciidamadu si wanaagsan u soo dhaweeyeen oo u gacan siiyeen, haddana ay dib ugu laabanayaan halkii ay markii hore ka yimaadeen.

Khamiis 9,Jan 2025 {HMC} Howlgal lagu Qaadayo Isbaarooyinka ayaa ka biloowday inta Udhaxeeyso Baladweyne ilaa degmada Matabaan ee Gobolka Hiiraan. Ciidamadan oo wato gaadiid dagaal oo farabadan ayaa manta ka baxay Magaalada Baladweyne.

Ku dhawaad 6 Isbaaro oo taalay Magaalada Baladweyne ilaa Deegaanka Ceelgaal ayey ku guuleeysteeyn in ay qaadan Ciidamada, Sida aan Wararka ku heleeyno meelaha qaar waxaa ka dhacay iska hor-imaad kooban oo Ciidamada iyo Maleeshiyadii isbaarada u taalay kamid ah.

Inta la xaqiijiyay Labo qof ayaa ka dhawacntay Howlgalka lagu qaadayo isbaaraayinka, waxaana Ciidamada wali ay wadaan howlgalkan Lagu qaadayo Isbaarooyinka. Gaadiidleeyda iyo Bulshada Magaalada ayaa Cabasho weyn ka Muujiyay Isbaarooyin farabadan oo lasoo dhigay deegaanadan.

Inta badan beelaha Gobolka Hiiraan dagto ayaa Soo Saxiixay Warqado, Qofkii lagu dilo Isbaaro in aysan wax door ah ku laheeyn Odoyaasha iyo qabiilada deegaanka. Taliyaha Ciidamada Xooga Dalka Soomaaliya Generaal Odowaa Yuusuf Raage iyo Taliyaha Ciidamada Nisa Cabdullaahi Maxamed Cali Sambalooshe ayaa Amar ku bixiyay la in qaado Isbaarooyinkan.

Khamiis 9,Jan 2025 {HMC} Wasiirka gaashaandhiga dowladda Soomaaliya Cabduqaadir Maxamed Nuur iyo Saraakiil kale ayaa gaarey magaaladda Qaahir oo berri ka furmayo Shir ku saabsan Howlgalka Midowga Africa ee AUSSOM, iyadoo Itoobiya iyo Burundi wali aan go’aan laga gaarin ka qeybgalkooda.

Masar ayaa u muuqata inay saameynta iyo hogaanka Howlgalka la wareegtay, waxayna noqday saaxiibka cusub ee dowladda Federaalka oo bishii August 2024 la gashay heshiiska amni, kaasoo Itoobiya u aragto mid laga leeyahay dano ku wajahan webiga Niil.

Soomaaliya ayaa waxaa ku sugan Ciidamo ATMIS ah, kuwaasoo hadda kooyada iyo magaca loo bedelayo, waxaana lagu wadaa in howlgalka cusub uu socda mudo sanad ah, waxayna ka koobnaan doonaa Ciidanka ka qeybgalaya illaa 12,000 oo askari, oo 1,040 ay yihiin boolis.

Shirka Qaahira ayaa lagu go’aaminayaa tirada Ciidamada Masar ee la geynayo Soomaaliya, iyadoo horey loo sheegay in 20% ay ka noqon doonaan guud ahaan Ciidamada AUSSOM. Al-Shabaab ayaa maamusha dhul ballaaran, waxaana mudo 17 sano ah lagula jiraa dagaal looga adkaan la’yahay.

Masar ayaa doonaysa inay booska Itoobiya buuxiso, laakiin waxay khubarada amiga sheegeen in Ciidamada Itoobiya oo aan dalka ka bixin ay keeni karto isku dhac labada Ciidan, oo dowladahooda uu khilaaf u dhaxeeyo.