Isniin 28-Oct-2024 {HMC} Ugu yaraan 7_qof oo ka kooban caruur iyo dhalinyaro ayaa dhaawacyo kala duwan ku noqday qarax bam gacmeed oo caawa ka dhacay xaafada howl_wadaag ee magaalada Baladweyne.

Taliye xigeenka saldhiga galbeed ee Booliska Baladweyne ayaa Hiiraanweyn u sheegay in marka laga tago dhaawaca uu sababay qaraxa sidoo kalle uu jiro dhimashada hal oo ka mid ah dhalinyarada uu haleelay bamka.

Dhamaan dadka ku dhaawacmay qaraxa ayaa lagu dabiibayaa goobo caafimaad oo ku yaala gudaha baladweyne.

Ciidanka Amniga oo ku baxay falkaan ayaa wada howlgal lagu raadinayo kooxdii ka dambeysay falkaaa sababay khasaaraha leh dhimashada iyo dhaawaca.

Isniin 28-Oct-2024 {HMC} Askari la sheegay in uu ka tirsan yahay ciidamadda Nisa ayaa lagu dilay Maqribnimadii Caawa xaafada kooshin ee magaaladda Baladweyne gaar ahaan agagaarka suuqa-balka.

dilka askarigaan ayaa la sheegay in ay ka dambeeyeen koox hubeysan oo aan la garan heytooda, dilka ka dibna waxay qaateen qorigi uu watay askariga ay dileen.

Ciidamo ka tirsan kuwa amaanka ayaa gaaray goobta uu dilka ka dhacay iyaga oo wada dhaqdhaqaaq ay ku baadigoobayaan eedeysanayaasha dilka geystay, mana jirto wax war ah oo ilaa hadda kasoo baxay laamaha amniga ee Magaaladda.

Waxii waraar ah ee kusoo kordha kala Soco Hiiraanweyn.net