Isniin 29, Dec 2025 {HMC} Maraykanka ayaa u soo bandhigay Ukraine dammaanad amni oo muddo 15 sano ah, Volodymyr Zelensky ayaa sidaas sheegay intii lagu guda jiray wadahadal ku saabsan qorshe nabadeed oo uu Donald Trump kula yeeshay Florida Axadii.

Madaxweynaha Mareykanka ayaa sheegay in heshiis ku saabsan qodobkan uu ku dhow yahay 95% in la sameeyay, laakiin hogaamiyaha Ukraine ayaa tan iyo markaas sheegay inuu jeclaan lahaa dammaanad ilaa 50 sano ah.

Madaxweyne Zelensky wuxuu qeexay arrimaha xuduudaha iyo warshadda Nukliyeerka ee Zaporizhzhia ee Ruushku qabsaday inay yihiin arrintii ugu dambaysay ee aan la xallin, iyada oo wax yar laga sheegay mustaqbalka gobolka Donbas ee Ukraine ee lagu muransan yahay.

Ruushka ayaa horey u diiday qaybo muhiim ah oo qorshahan ka mid ah, laakiin af hayeenka Kremlin-ka ayaa Isniintii ku raacay qiimaynta Trump ee ah in nabaddu ay dhowdahay, sida ay sheegtay wakaaladda wararka ee Ruushka ee Tass.

Isaga oo saxafiyiinta kula hadlayay goobta loo dalxiis tago ee Mar-a-Lago kadib kulankii Trump Axadii, Zelensky waxa uu ku celiyay aaminsanaantiisa in guud ahaan heshiiska nabadda uu 90% ka yahay habka loo marayo, tiradaas oo uu ku hor kacayay booqashadiisa.

Labada hoggaamiye ee Maraykanka iyo Ukraine ayaa sidoo kale tilmaamay in horumar laga gaaray hal qodob oo muhiim ah – dammaanad qaadka amniga ee Ukraine. Wakaaladda wararka ee Reuters ayaa ku warantay in uu rajaynayo in wax kasta oo dammaanad qaad ah oo ammaan ahi ay bilaabmi doonto marka Kyiv saxeexdo heshiis nabadeed.

Isniin 29, Dec 2025 {HMC} Diyaarad riddo dheer oo nooca aan duuliyaha lahayn ayaa ku qaraxday dhismaha gaarka ah ee uu degganyahay madaxweynaha Ruushka, Vladimir Putin, sida uu sheegay Aqalka Ruushka ee Kremlin, balse isla markii uu maanta warkan soo baxay waxaa beeniyay madaxweynaha Ukraine , Volodymyr Zelensky oo sheegay sababta warkan loo baahiyay inay tahay qorshe uu Putin ku doonayo inuu ku burburiyo dhismayaasha dawladda Ukraine ee ku yaal Kyiv.

Zelensky ayaa yiri ; “Waxay si fudud u diyaarinayaan jawiga si ay u fuliyaan weerarro, kuwaas oo u badan inay ku wajahnaan doonaan caasimadda, lagana yaabo inay tahay qorshihii lagu burburin lahaa dhismayaasha dawladda.”

Isniin 29, Dec 2025 {HMC} Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa magaalada Jabuuti kula kulmay Madaxweynaha Jamhuuriyaddan aan walaalaha nahay Mudane Ismaaciil Cumar Geelle.

Labada Madaxweyne ayaa ka wada hadlay wada-tashiga iyo isku-duwidda dadaallada diblumaasiyadeed ee lagu difaacayo midnimada, madax-bannaanida iyo qaranimada Jamhuuriyadda Federaalka Soomaaliya, iyadoo la adkeeyey muhiimadda ay leedahay mowqifta dalalka walaalaha iyo saaxiibka ah ee ka soo horjeestay kala qeybinta Soomaaliya.

Madaxweyne Xasan Sheekh Maxamuud ayaa uga mahadceliyey Dowladda iyo Shacabka Jamhuuriyadda Jabuuti doorka walaaltinimo iyo hoggaamineed ee ay ka qaadanayaan garab-istaagga Soomaaliya, gaar ahaan taageerada joogtada ah ee ku aaddan ilaalinta midnimada iyo madax-bannaanida dalka.

Labada Madaxweyne ayaa isla qaatay in la sii xoojiyo wada-tashiga diblumaasiyadeed iyo iskaashiga labada dal, si loo ilaaliyo xasilloonida Gobolka iyo mabaa’diida aasaasiga ah ee hagaya xiriirka dowladaha.

Jamhuuriyadda Federaalka Soomaaliya waxay mar kale ku celinaysaa go’aankeeda adag ee ah ilaalinta midnimada dhuleed iyo madax-bannaanida qaranka, iyadoo ku kalsoon garab-istaagga iyo wadajirka dalalka Gobolka.

DHAMMAAD

Isniin 29, Dec 2025 {HMC} Iiraan ayaa mar kale si adag u cambaareysay aqoonsiga ay Israa’iil siisay Somaliland, iyadoo ku tilmaamtay tallaabadaas qayb ka mid ah istaraatiijiyad ballaaran oo lagu kicinayo qalalaase laguna wiiqayo xasilloonida Geeska Afrika, sida uu baahiyay telefishinka Ruushka ee RT oo xiganaya afhayeenka wasaaradda arrimaha dibadda Iiraan.

Isniin 29, Dec 2025 {HMC} Madaxweynaha Dowladda Federaalka Soomaaliya Xasan Sheekh Maxamuud ayaa ku wajahan Jabuuti, Turkiga iyo Dalal kale oo xiriir wanaagsan la leh Dalka, waxa uu kala hadlayaa weerarka qaawan ee Israa’iil kusoo qaadday midnimada iyo wadajirka Soomaaliya.

Madaxweyne Xasan Sheekh Maxamuud ayaa dhiggiisa Jamhuuriyadda Jabuuti, Ismaaciil Cumar Geelle kala hadlaya sidii Dowladdiisa ay u xoojin lahayd garab istaagga la xiriira difaaca midnimada si Dadka Soomaaliyeed la isugu hayo.

Marka ay kala xog qaataan Xasan Sheekh Maxamuud iyo Ismaaciil Cumar Geelle kaddib waxa uu Madaxweynaha Jamhuuriyadda Federaalka Soomaaliya u safrayaa dhinaca Turkiga isaga Rajib Dayip Erdogan kala hadlayaa isla arrintaan.

Jabuuti & Turkiga waxa ay safka hore uga jiraan Dalalkii ugu horreeyay ee cambaareeyay xadgudubka Israa’iil ay ku samaysay Soomaaliya 26kii Bishaan kolkii ay ku dhawaaqday in ay aqoonsatay Maamulka Somaliland.

La soco wixii kasoo kordha