Talaado 28, May 20224 {HMC} Nalalka cadceeda ku shaqeeyo ee laga hirgilinayo degmada Halgan ayaa waxaa iska kaashaday dowladda Federalla Soomaaliya, iyo Dowlad goboleed Hirshabelle waxaana ka taageeray Dalalka Norway iyo Switzerland.

Gudoomiyaha degmada Halgan ee Gobolka Hiiraan Yuusuf Maxamed Nuur ayaa so dhaweeyay hirgalinta nalalka cadceeda ku shaqeeyo ee lagu xiray wadooyinka degmada kuwaas oo uu sheegay in ay ka qeyb qaadanayaan bilicda amaanka iyo isku socodka dadka iyo gaadiidka xiliga habeenkii ah.

Qaar kamid ah Bulshada ku nool dagmada Halgan oo la hadlay Hiiraanweyn ayaa so dhaweyay hirgilinta nalalka cad ceeda ku shaqeeyo waxaana ay ku tilmaameen Talaabo dhinaca horumarka iyo nabada- galyada loo qaaday iyagoona siweyn ugu mahad celiyay dhamaan dadkii ka qeyb qaatay hil gilinta Mashruucan.

Waa markii ugu horeysay oo laga hirgiliyay nalalka cad ceeda ku shaqeeyo dagmada Halgan tan iyo markii Soomaaliya ay soo gaareen kuwaas oo meelo badan oo dalka ah laga hirgiliyay.

Hirgilinta Nalalka cadceeda ku shaqeeyo ayaa isbadal weyn ku sameeyay Magaalada Halgan waxaana iftiin iyo qurux noqotay guud ahaan magaalada taas oo u muuqato mid rajo ku beertay dadka ku nool magaaladaas.

Shacabka Magaalada halgan ayaa la arkayay iyagoo isku so baxay wadooyinka si ay u arkaan isbadalka dhinaca iftiinka ku dhacay Magaaladooda.

Qorshaha ayaa ahaa in naleeyn lagu sameeyo ama laga hirgiliyo Nalalaka cadceeda ku shaqeeyo ilaa 5 degmo oo ka tirsan Gobolka Hiiraan kuwaas oo kala ah  Feerfeer Soomaaliya, Beergadiid, Jawiil, Halgan iyo Farlibaax. waxaana ay gaareysaa tirada soolada laga hirgiliyay dagmooyinkaas 114 Soolar.

Hirginta Mashruuca Naleeynta qaar kamid ah Dagmooyinka Gobolka Hiiraan Ayaa waxaa iska kaashaday dowladda Federalla Soomaaliya, iyo Dowlad goboleed Hirshabelle waxaana ka taageeray dowladaha Norway iyo Switzerland.

Talaado 28, May 2024, {HMC} Bangiga Horumarinta Afrika ayaa Dowladda Soomaaliya ugu deeqay $18 Milyan oo dollar oo wax looga qabanayo dhibaatooyinka ka dhasha Isbadalka Cimillada, kaas oo xilligaan saameen ku yeeshay adduunka

Munaasibad kooban oo lagu saxiixay Heshiiska Bangiga iyo Dowladda Soomaaliya ayaa maanta lagu qabtay Magaalada Nairobi, halkaas oo uu ka soconayo shirka Sanad laha ah ee Bangiga Horumarinta Afrika

Wasiirka Maaliyadda Xukumadda Federaalka Soomaaliya Biixi Imaan Cige iyo Madaxweyne ku xigeenka Bangiga Horumarinta Afrika Dr. Beth Dunford ayaa wadajir u saxiixay heshiiskaan maaliyadeed, kaas oo dowladda Soomaaliya ku sheegtay in uu aad muhiim u yahay dowladda xiligaan la taagan yahay

Wasiirka Maaliyadda Soomaaliya Mudane Biixi Imaan Cige oo munaasibadda ka jeediyay khudbad kooban ayaa uga mahdceliyey, isaga oo ka hadlay faa’iidada uu Soomaaliya u lee yahay Mashruucaan iyo guud ahaan Wadashaqaynta Bangiga

Magaalada Nairobi ee caasimadda dalka Kenya waxaa maalnimadii shalay ka furmay shirka sanadlaha ah ee bangiga Horumarinta Afrika, kaas oo ay isugu imaanayaan dhammaan Hoggaamiyaasha dalalka Afrika, waxaana shirkaan Soomaaliya ku matalaya Madaxweyne Xasan Sheekh Maxamuud.

Talaado 28, May 2024, {HMC} Ciidamada milatariga maamulka Isreal ayaa lagu soo waramayaa in ay la wareegeen isgoyska goobaabinta al-Cawda ee kuyaalla magaalada Rafax, kaddib weerar xooggan oo ay halkaasi ku qaadeen.

Goobjoogayaal ayaa warbaahinta u sheegay in taangiyada iyo dabaabaadka kale ee dagaalka Isreal lagu arkay isgoyska goobaabinta al-Cawda, waxaana halkaasi isaga kala cararay dadkii kala duwanaa ee ku sugnaa

Goobtan ay la wareegeen ciidamada Israel ayaa ah goob caan ah oo inta badan ku yaalaan bangiyada waayen, hay’adaha dowladda, ganacsiyo iyo dukaamo ganacsi, waxa ayna goobtan nus killo mitir u jirtaa xadka Masar la wadaagto Falastiin

Ciidamada Israel ayaa la sheegay in ay tooganayaan dadka ay ku arkaan aaga ay ku sugan yihiin, waxa ayna ciidamada Israel ee galay magaalada Rafax halkaasi ka wadaan xasuuq iyo tacadiyo bini’aadannimada ka dhan ah .