Sabti , 29 Nov 2025 {HMC} Madaxweynaha Dalka Eritrea Isaias Afwerki ayaa maanta booqasho ku tagay Dalka suudaan waxaana halkaas ku soo dhaweeyay Guddoomiyaha Golaha Sare ee Suudaan, Jeneraal Abdel Fattah Al-Burhan oo ah hogaamiyaha malatariga Suudaan.

Kulanka labada hogaamiye ayaa waxaa uu ka dhacay Xarunta Dowladda uudaan ee Magaalada Port Sudan, waxaa diiradda lagu saaray xoojinta xiriirka labada dhinac, horumarka xaaladda Suudaan, iyo sidoo kale arrimaha gobolka iyo kuwa caalamiga ah ee khuseeya labada dhinac.

Madaxweyne Isaias Afwerki ayaa ku celiyay mowqifka adag ee Eritrea ee ku aaddan, iyo taageerada ay u hayso midnimada iyo madaxbannaanida Suudaan.

Madaxweynuhu wuxuu sidoo kale hoosta ka xariiqay in Eritrea ay sii wadi doonto inay garab istaagto Suudaan ilaa laga gaaro nabad waarta.

Jeneraal Al-Burhan, ayaa dhankiisa ammaanay mowqifka Eritrea ee ku saleysan xiriirka taariikhiga ah ee u dhexeeya labada shacab, wuxuuna xaqiijiyay inuu dadaal xooggan ku bixin doono sidii loo xoojin lahaa xiriirkaas si loogu faa’iideeyo labada dal.

Sabti, 29 Nov 2025 {HMC} Hay’adda sirdoonka Dalka Ukraine ee SBU iyo laanta sirdoonka milatariga Ukraine ayaa wadajir ah u fuliyay howlgal lagu qarxiyay labo markab oo qaada shidaalka Ruushka , xilli uu marayay badda madow ee ku dhow xeebaha Turkiga, iyadoo weerarka loo adeegsaday doomaha is qarxiya.

Labada markab oo laga badbaadiyay shaqaalihii sarnaa ayaa hadda ku dhow inay quusaan, waxaana lagu sheegay warbixin laga soo xigtay SBU inuu Ruushka ku waayay 70 milyan oo dollar oo shidaal ay maraakiibtan daabulaan.

Sabti, 29 Nov 2025 {HMC} Dowladda Norway ayaa ku dhawaaqday inay dhalashada kala noqonayso dadka u dhashay dalka Eritrea ee taageera dowladda Eritrea.

Laanta socdaalka Norway ayaa sheegtay in baaritaan labo sano ah kadib ay go’aan ku gaartay in dhalashada Norway lagala noqdo dadka heysta dhalashada Norway ee taageera dowladda iyo nidaamka Eritrea.

Guddi baaritaan oo ka kooban shan xubnood ayaa la sameeyay si ay u baaraan dadka u dhashay dalka Eritrea ee la siiyay dhalashada Norway, kuwaasoo taageera dowladda Eritrea.

Waxaa baaritaan lagu sameeyay 135 Eriteriyaan ah; waxa si dhaw loola socday waxa ay ku qoreen baraha bulshada iyo waxa ay dadka kale ka yiraahdeen.

135 ka mid ah dadka la tijaabiyay ayaa la siiyay dhalashada Norway, waxayna dalkaasi ku noolaayeen sideeddii sano ee la soo dhaafay.

Ilaa hadda 20 qof ayaa sharciga lagala noqday, iyadoo kiisaska 30 kalena la baarayo. Ma cadda inta qof ee laga qaadi doono jinsiyadda guud ahaan.

Sabti, 29 Nov 2025 {HMC} Diyaarad ka duushay Imaaraadka Carabta ayaa hub iyo agab kale oo milatari oo Mareykanka uu soo saaray geysay garoonka diyaaradaha ugu weyn Israa’iil ee Ben Gurion oo ku yaal magaalada Telaabiib ,

Diyaaradda An-124 ay markii dambe dib ugu laabatay Abu Dhabi ,kaddib saacado yar oo ay ku hakatay garoon diyaaradeed oo ku yaalla dalka Georgia, sida laga soo xigtay telefishinka Israa’iil ee Kan news.

Sabti, 29 Nov 2025 {HMC} Labo markab oo Ruushka uu leeyahay oo shidaal qaada ayaa lagu qarxiyay meel aan ka fogeyn xeebaha Turkiga ee badda madow, mid ka mid ah maraakiibta ayaa ku dhow inuu quuso,

Kabtanka markabka ayaa soo diray baaq deg deg ah uu ku sheegay in diyaarad aan duuliye lahayn markabka lagu qarxiyay , waxaana la badbaadiyay shaqaalaha labada markab.

Mareykanka iyo reer Yurub ayaa cunaqabateyn horey u saaray labadan markab Kairos iyo Virat , iyo dhammaan maraakiibta shadow fleet ee shidaalka Ruushka qaada.

Weerarkan ayaa u muuqda inuu albaab u furi doono dagaalka qaboob ee Ruushka iyo reer galbeedka , balse ma jirto warbixin baaritaan oo Ruushka uu soo saaray weli.

Sabti, 29 Nov 2025 {HMC} Warbaahinta Suudaan ayaa ku warrantay mid ka mid ah dagaalyahannada kooxda RSF ee ka dagaallanta Suudaan , oo go’aansaday inuu guursado gabar uu horey kufsi ugu geystay, inta lagu jiray munaasabadda arooskiisa in saaxiibkiis oo isagana ka tirsan RSF ayaa ninkaa arooska u tagay si uu ugu hambalyeeyo, wuxuu iskudayay inuu xabbado dabaal-deg ah kor u rido, balse xabbadii waxay ku dhacday ninka arooska oo meesha ku geeriyooday,

Arintan ayaa waxay dhalisay dagaal toos ah oo ka dhex qarxay ninka xabbada kama’da ah ku dilay arooska iyo qoyska ninka arooska ahaa ee geeriday, waxaana isku dhacaa ka dhashay dhimashada 57 qof.

Sabti, 29 Nov 2025 {HMC} Ciidanka Mareykanka ayaa la aaminsanyahay howlgalkii u horreeyay oo dhulka ah inay ka fuliyeen buuralayda Baalade ee Puntland , halkaa oo uu ka socdo dagaalka ka dhankaga ah kooxda Daacish , sida ay werisey Fox News .

Howlgalkan oo dhacay Talaadadii, wuxuu ku bilowday diyaarad nooca aan duuliyaha lahayn MQ-9 Reaper oo gantaallo ku garaacay godod ay ku dhuumanayeen xubno ka tirsan Daacish, oo ay xigtay 10 diyaaradood oo ah nooca qumaatiga u kaca ee helicopter-ka oo dagaal toos ah la galay dagaalyahannada Daacish, iyadoo warbixinta Fox News lagu sheegay in howlgalka lagu dilay xubno sare oo ka tirsan Daacish , halka kuwa kalena ay gacanta ku dhigeen.

Mareykanka oo hadda la aaminsanyahay in ka badan 100 askari oo ka tirsan ciidanka gaar ah inay ka joogaan Puntland , ayaa sidoo kale la filayaa inuu dhawaan gaarsiiyo in ka badan kun askari oo ciidanka gaarka ah, taa oo la macno inuu Mareykanka ku biirayo howlgalkaa buuraha Calmiskaad, arrin muujinaysa istaraatiji ahaan inuu Mareykanka buuraha ka leeyahay dano badan.