Khamiis jan-25 2024-{HMC} Hawlgal qorsheysan oo Ciidanka Hay’adda Sirdoonka iyo Nabadsugidda Qaranka oo kaashanaya saaxiibada Caalamiga ah ay ka fuliyeen Gobolka Galgaduud gaar ahaan degmada Galhareeri oo ah xarunta ugu weyn ee Al shabaab ku leedahay Gobollada Dhexe ayaa lagu dilay 30 ka mid ah Dagaalyahanada Al shabaab  oo isugu jiray Maleeshiyaad iyo Horjoogeyaal ay ka mid ahaayeen xubno Ajaanib ah halka dhaawacu uu yahay ilaa 20 kale.

Goobaha lagu bartilmaameedsaday hawlgalkan waxaa ka mid ahaa xarunta Idaacadda Andulus, xarun lagu farsameyo Qaraxyada, xaruntaHowlgal Lagu dilay Saraakiil iyo Askar katirsan AS oo ka dhacday gobolka Galgaduud maaliyadda ee degmada Galhareeri, guri ay daganaayeen horjoogeyaal ka tirsan Al shabaab gaar ahaan kuwa sameeya Filimada ee lagu magacaabo Al-Kataa’ib, guri uu deganaa horjoogaha waxa ay ugu yeeraan Sakawaadka gobolka Sh. Dhexe iyo guryo ay ku shiri jireen Jabhadaha Al shabaab.

Horjoogeyaasha Al shabaab ah ee lagu dilay weerarkan waxaa ka mid ahaa;

1. Qoor-Cadde oo ahaa horjoogaha xarunta Qurdubi, oo ah xarun ay ku faafiyaan fikradaha qaldan.

2. Macalim Maxamed oo ahaa ku-xigeenka xarunta Qurdubi.

3. C/kariin Shan-boqolle oo ka mid ahaa aasaasayaashii Al shabaab ee Galguduud.

4. Wareershe oo ahaa horjooge ka tirsanaa qeybta Gaadiidka.

5. Yamiin oo ahaa horjooge ka tirsanaa Maleeshiyaadka Al shabaab ee Mudug.

6. Cabdullaahi Macalim Bashiir oo ka mid ahaa horjoogeyaasha Maleeshiyaadka ee Galguduud.

7. Ismaaciil Abu-Ruqiya oo ka tirsanaa qeybta marin-habaabinta Al shabaab Galgaduud.

8. Ciise Maxamed Wehliye oo ahaa Horjoogaha waxa ay ugu yeeraan Sakawaadka ee Gobolka Sh. Dhexe.

9. Ciise Ruush oo ahaa Horjoogihii farsamada Hubka.

10. Usaama oo ahaa Horjoogihii Isgaarsiinta.

11. Xasan Nuur ka tirsanaa qeybta Gaadiidka.

Hawlgalkan oo jab xoog leh lagu gaarsiiyay Al shabaab ayaa xubnaha lagu khaarijiyay waxaa ka mid ahaa Ajaanib ka shaqeyn jirtay dhinaca Warbaahinta gaar ahaan qeybta ay ugu yeeraan Al-kataa’ib.

WARKAN WAXAA SO SAARTAY HAYADA NABAD SUGIDA SOOMAALIYA 

Khamiis 25-jan-2024-{HMC} Ergayga gaarka ah ee wada hadalada dowladda Soomaaliya iyo Soomaaliland Cabdikariin Xuseen Guleed ayaa sheegay heshiiskii dhexmaray Abiy Axmed iyo Muuse Biixi inuu ahaa mid lagu majo xaabinayay sii socoshada wada hadalada labada dhinac.

Mr Guuleed ayaa sheegay in Dowladda Federaalka Soomaaliya waxa ay rajo wanaagsan ka qabtay wada hadalada mar kale dib u bilowday iyo qodobadii kasoo baxay shirka ka dhacay dalka Jabuuti.

Hase ahaatee, heshiiska Ethiopia ay la gashay Somaliland ayuu sheegay inuu Soomaaliya ku noqday arrin laga fajaco oo aysan dowladdu marna filayn inay ka suurtowdo Somaliland.

“Waxaan aaminsanahay in heshiiska dhacay uu ahaa mid ay dowladda Ethiopia ku fashilinaysay isfahamkii labada dhinac, waana ayaan darro in arrintaas dhacdo,” ayuu yiri ergayga dowladda Soomaaliya u qaabilsan wada hadalada Somaliland.

Cabdi kariin Guuleed wuxuu sheegay, dowladda Soomaaliya inay qadarin weyn u hayso Somaliland ayna diyaar u tahay in mar walba laga shaqeeyo sidii ay wada hadaladu usii socon lahaayeen.

Wuxuuse sheegay in dowladda Soomaaliya aysan raali ka ahaan doonin tallaabo kaste oo wax u dhimaysa qaranimada Soomaaliyeed.

Khamiis jan-25 2024-{HMC} Madaxweynaha Soomaaliya Xasan Sheekh Maxamuud iyo wafdi uu hoggaaminayo ayaa goordhow gaaray magaalada Garowe ee caasinadda maamulka Puntland.

Xasan Sheekh garoonka diyaaradaha Garawe waxaa kusoo dhaweeyay madaxweynaha Puntlans iyo masuuliyiin kale, waxa uuna halkaasi u tagay ka qeyb galka Xaflada caleema saarka Madaxweynaha dib loo doortay Saciid C/llaahi Deni.

Qaar ka mid ah Madaxda dowlad Goboleedyada, Galmudug, Hirshabelle iyo Koofur Galbeed ayaa caleema saarka ka qeyb galaya, iyadoo Madaxweynaha Jubbaland Axmed Madoobe uu ka baaqsaday sababo la xiriira khilaafka isaga iyo Madaxweyne Deni oo wixii ka dambeeyay doorashadii Federaalka ee 15 May 2022 uu xiriirkooda xumaaday.

Madax hore iyo wafuud ka kala socda dowladda Kenya, Jabuuti iyo Dowlad deegaanka Soomaalida, xubno ka socda Safiirada dalalka Caalamka ayaa sidoo kale ka qeyb galaya xaflada caleema saarka.

Khamiis jan-25 2024-{HMC} Madaxweynaha Namibia, Hage Geingob, oo 82 jir ah, ayaa u duulaya Maraykanka si uu u helo “daawayn gaar ah” oo dhanka kansarka, sidda uu sheegay xafiiskiisa

Tani waxay ku soo beegantay wax ka yar hal toddobaad ka dib markii uu xafiiskiisu sheegay in baaritaano caafimaad ay ku ogaadeen inuu qabo “unugyo kansar”

82-jirkan wuxuu ku qaadan doonaa “daaweyn cusub” gudaha Mareykanka muddo toddobaad ah, ka hor inta uusan ka soo laaban si uu ugu sii wato daweyntiisa Namibia, ayuu raaciyay xafiiskiisa.

Madaxweyne ku xigeenka, Nangolo Mumba, ayaa sii ahaan doona ku simaha madaxweynaha inta uu maqan yahay

Sikastaba ha ahaatee, walaaca laga qabo caafimaadka Mr Geingob ayaa waxa uu ahaa mid isa soo tarayay, iyadoo wararku ay sheegayaan in sanadkii hore uu qirtay inuu daciifay jirkiisa.