Talaado 17 March 2026 {HMC} War kasoo baxay Dowlad-Goboleedka Koofur Galbeed ayaa lagu sheegay in maamulkaas uu joojiyay wadashaqaynta kala dhaxaysa Dowladda Federaalka iyada oo ku eedaysay in rabshadaha ka dhacay deegaannada maamulkaan & xiisadda taagan.

Warsaxaafadeedka Dowlad-Goboleedka Koofur Galbeed ayaa lagu sheegay in ay arkeen labiska Ciidanka oo Dowlada Federaalka gaysay deegaanno kala duwan si loo huriyo dagaallada ka dhanka ah Maamulkaas sida hadalka loo dhigay.

Sidoo kale warsaxaafadeedka ayaa intaas lagu daray in Dowladda Federaalka ay ciidamo ku abaabushay deegaannada Koofur Galbeed sidoo kalena Wasiiro katirsan Xukuumadda Dan-Qaran ay ku lug leeyihiin kana jawaabi waysay xiriir ay la sameyeen sida hadalka loo dhigay.

Ma jiro war kasoo baxay Dowladda Federaalka oo looga jawaabay arrintaan, waxaa isasoo taraya xiisadda siyaasadeed ee Deegaannada Dowlad-Goboleedka Koofur Galbeed iyada oo deegaannada qaar ay ka dhaceen dagaallo halka meelaha qaar abaabul uu ka socdo

Talaado 17 March 2026 {HMC} Dowlad-Goboleedka Galmudug ayaa guullo ka sheegatay howlgallo ka dhacay deegaanno katirsan Dowlad-Goboleedkaas, waxaana ay tilmaamtay in ay kahortagtay xubno katirsan ‘AS’ oo halkaas ku sugnaa sida ay hadalka u dhigtay.

Galmudug ayaa magacyada deegaannada ay howlgalka ka samaysay ku sheegtay Ceel Gobaad, Kurdheer, Ceel La helay & Dhaban Dhul Kuheys, waxa ay intaas ku dartay in howlgalkaan uu ahaa mid la qorsheeyay kuna socday bartilmaameed sax ah.

Howlgalkaan oo ahaa mid ballaaran waxaa iska kaashadaan Ciidamada Xoogga Dalka, Daraawiishta Dowlad-Goboleedka Galmudug gaar ahaan Ururka Gallayr, Ciidanka Madaxtooyada & kuwo kale.

Bayaanka kasoo baxay Dowlad-Goboleedka Galmudug ayaa lagu sheegay in la burburiyay fariisimo ay ‘AS’ ku sugnaayeen si loo adkeeyo amniga deegaannada Dowlad-Goboleedkaas gacanta uga jira.