Axad Nofembar 12, 2023 {HMC} Dhacdooyin dhowr ah oo isdabajoog ah ayaa ka dhacay xadka woqooyi ee Israa’iil saacadii la soo dhaafay sida ay ku warameysi warbaahinta bariga dhaxe.

In kabadan Toddobo askari oo Israa’iiliyiin ah ayaa ku dhaawacmay weerar hoobiye ah sida ay warbaahinta u sheegeen Israa’iiliyiintu iyagoo intaas sii raaciyay inay taas kaga jawaabeen madaafiic ay ku garaacidoonaan fariisimaha Ururka Xisbulla.

Intaa Ka dibn waxaan la maqalnay in 15 gantaal laga soo tuuray wadanka Lubnaan kaas oo ay ku dhawaacmeen lix qof oo rayid Israa’iiliyiin ah oo mid aad u daranyahay.

waxaa la sheegay in gantaalahaan loo adeegsaday gantaalka lidka taangiyada.

weeraradan ayaa yimid kadib markii Yoav Gallant, wasiirka gaashaandhigga uu sheegay in Xamaas iyo Xisbullah ay tijaabinayaan Israa’iil, ayna isku dayayaan inay ka mashquuliyaan howlgalka Qaza.

Israa’iiliyiintu waxay yiraahdeen kuwani hadda ma ahan daandaansi oo kaliya – tani waa gardaro. “Haddii ay nagu sii wadaan weerarka waxay samayn doonaan khaladkii ugu weynaa noloshooda,” Gallant ayaa yidhi.

Dowladda Maraykanku waxay ka walaacsan yihiin sare u kaca xaaladda dhanka woqooyi e Israa’iil. Ma rabaan inay arkaan waxa Qaza ka dhacaya oo isu badala colaad goboleed aad u weyn, mar walbana khatartaas ayaa jirta.

Axad Nofembar 12, 2023 {HMC} Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa daah-furay Nidaamka Ilaalinta Bulshada ee Diiwaanka Bulsho ee Midaysan oo lagu yaraynayo saboolnimada iyo sugnaan la’aanta cuntada, si loogu diyaariyo bulsho adkaysi u leh aafooyinka ay ka mid yihiin abaaraha, fatahaadaha iyo Ayaxa.

Ra’iisul Wasaaraha ayaa hoosta ka xariiqay mudnaanta uu xilligan u leeyahay dalka nidaamkani oo ay xuddun u tahay siyaasadda Xukuumadda Dan-Qaran ee ah in la helo horumar ay bulshadu qayb ka yihiin, una siman yihiin si loo xoojiyo ammaanka, koboca dhaqaalaha iyo wada-socodka bulshada Soomaaliyeed.

Mudane Xamsa ayaa faray dhammaan Hay’adaha Caalamiga ah, kuwa Waddaniga ah iyo inta ku hawlan hawlaha Gargaarka inay isticmaalaan Diiwaanka USR ee Dawladda si looga fogaado, iska warqab la’aan iyo xaqiijinta in bulshada si hufan loogu adeego, taasi oo keenaysaa in lagu kalsoonado dawladda, waxayna caawinaysaa dhisidda dawlad-wanaagga.

—𝗗𝗛𝗔𝗠𝗠𝗔𝗔𝗗 —