Sabti 28 March 2026 {HMC} Madaxweynaha Maamulka Koofur galbeed Soomaaliya Cabdicasiis Xasan Maxamed Lafta gareen ayaa shaaciyay xildhibaannada cusub ee Baarlamankeeda sadaxaad ee Maamulka Koofur galbeed Soomaaliya.

Liiska Xildhibaanada cusub waxaa si rasmi ah ugu dhawaaqay Gudiga Madaxa banaan Doorashooyinka ee maamulka Koonfur Galbeed

Shaacinta Xildhibaanada ayaa waxa ay imaaneysaa Xili Dowladda Federaalka ay qarka u saaran tahay in ay la wareegto gacan ku haaynta Magaalada Baydhabo oo ah halka magaalo oo uu gacanta ku haayo Lafta gareen.eeb-reebka AFCON 2027, oo ay 31-ka bishan magaalada Port Louis kula ciyaari doonaan dhigooda Mauritius.

Jimco 27 March 2026 {HMC} Cutubyadii ugu horeeyey ee ka tirsan ciidamada Gaarka ah ee Kumaandooska DANAB ayaa goordhaw gaaray degmada Buurhakaba ee gobolka Bay, halkaas oo muwaadiniinta Soomaaliyeed ee ku nool ay ku soo dhaweeyeen iyadoo ay ka muuqato taageero weyn oo ka timaada shacabka.

Ciidamada Xoogga dalka ayaa hadda awood u yeeshay inay si fudud u socdaan dhul fog iyo gobollo kala duwan oo dalka ah, taasoo muujinaysa xoojinta iyo sare u kaca awoodda dowladnimada. Tani waxay caddeyn u tahay guulaha laga gaaray dhinacyada ammaanka iyo nabadeynta ee dalka.

Horjooge walba oo dadka iyo deegaanada afduub u heesta, waxaa suuragal ah in uu la kulmo cadaadis aan horay loo arag, iyadoo 2026 loo rajeynayo inuu noqdo xilli aad u muhiimsan oo dowladnimada xoogeysaneyso.

Jimco 27 Mar 20026 {HMC} Guddoomiyaha Gobolka Shabeellaha Dhexe, Mudane Maxamuud Maxamed Nuur Masdile, ayaa ku guuleystay hirgelinta mid kamid ah heshiisyadii is-afgarad ee horay loogu gaaray colaaddii muddada dheer ka dhex taagnayd bulshada wada degta deegaanada Baarrow Weyne iyo Mareereey.

Maanta waxaa si rasmi ah loo fuliyay qodob muhiim ah oo ka mid ahaa heshiiska, kaas oo ah kala qaadashada magta marxuumiintii ku naf waayay colaadda, iyadoo mas’uuliyiinta ay goob-joog iyo marag ka ahaayeen si loo xaqiijiyo hufnaanta iyo hirgelinta heshiiska.

Odayaasha dhaqanka ayaa uga mahadceliyay maamulka gobolka iyo kan degmada dadaalladii ay ku bixiyeen nabadeynta iyo mideynta bulshada, iyagoo tilmaamay in tani ay tahay tallaabo weyn oo loo qaaday dhanka nabad waarta.

Mas’uuliyiinta ayaa dhankooda ku adkeeyay in la dhameystiri doono qodobada harsan, oo ay kamid tahay kala saarista soohdinta, si looga hortago khilaafyo mustaqbalka dhaca.

Jimco 27 Mar 20026 {HMC} Xiisad colaadeed ayaa la dareemayaa inta u dhaxaysa magaalooyinka Baydhabo iyo Buur hakaba oo qiyaastii 60 km isu jira, taas oo u dhaxaysa maamulka Koonfur Galbeed iyo dowladda Federaalka Soomaaliya.

Labada dhinac waxay saacadihii u dambeeyay halkaas ku daadgureeyeen ciidamo farabadan, iyada oo laga cabsi qabo dagaal deegaannadaas ka qarxa.

Ciidamada dowladda Federaalka iyo ciidamada ka amar qaata siyaasiyiinta muraacadka ee la magacbaxay Badbaadada Koonfur Galbeed oo isku garabsanaya ayaa doonaya in ay la wareegaan Baydhabo, oo ah magaalada keliya ee gacanta ugu jirta maamulka Laftagareen.

Xiisadda labada dhinac waxay salka ku haysaa khilaafka doorashada maamulkaas ee u dhaxaysa maamulka Laftagareen iyo siyaasiyiinta mucaaradka oo qaarkood ay xilalal ka hayaan dowladda Federaalka Soomaaliya.

Jimco 27 Mar 20026 {HMC} Wasiirka Gaashaandhigga XFS, Mudane Axmed Macallin Fiqi, ayaa booqday qaar ka mid ah dhaawacyada Ciidamada Uganda ee howlgalka AUSSOM, kuwaas oo ku dhaawacmay hawlgalladii lagu xoreeyay deegaannada Mubaarak iyo Daarusalaam, iyo sidoo kale dad rayid ah oo ay argagixisadu waxyeello gaarsiisay.

Booqashada ayaa ahayd mid uu Wasiirku ugu kuurgalayay xaaladda caafimaad ee dhaawacyada, isaga oo warbixin ka dhegeystay dhaqaatiirta ku howlan daawaynta iyo la socoshada xaaladdooda caafimaad.

Wasiir Fiqi ayaa bogaadiyay doorka muhiimka ah ee ciidamada howlgalka Midowga Afrika ee AUSSOM, gaar ahaan kuwa Uganda, ay ka qaadanayaan sugidda amniga iyo taageeridda hawlgallada Ciidamada Xoogga Dalka Soomaaliyeed, isaga oo uga mahadceliyay geesinimadooda iyo naf-hurnimadooda dagaallada lagula jiro argagixisada khatarta ku ah nabadda iyo xasilloonida gobolka, isla markaana dhammaan dhaawacyada u rajeeyay kabasho degdeg ah.

Sidoo kale, Wasiirka ayaa mid mid u booqday dadka rayidka ah ee ay argagixisadu si ula kac ah u beegsatay, kuwaas oo waxyeello ka soo gaartay falalka aargoosiga ah ee ay ka fuliyeen deegaannada laga xoreeyay.

Wasiirka waxaa booqashada ku wehliyay Ergeyga Gaarka ah ee Guddoomiyaha Midowga Afrika u qaabilsan Soomaaliya ahna Madaxa AUSSOM, Danjire El-Hadji Ibrahima Diene, iyo Taliyaha Qaybta Koowaad ee AUSSOM (Sector One), Sareeye Guuto Jackson Kayanja.

Ugu dambayn, Wasiirka Gaashaandhigga ayaa adkeeyay in Dowladda Federaalka Soomaaliya ay ka go’an tahay daryeelka iyo garab-istaagga dhammaan ciidamada dhaawacmay iyo shacabka waxyeelladu gaartay, isla markaana la sii xoojin doono wada-shaqeynta saaxiibbada caalamiga ah si loo xaqiijiyo amniga iyo xasilloonida dalka.

Jimco 27 March 2026 {HMC} Qoraal ay soo saartay safaaradda UK ee Soomaaliya ayaa looga digay in xaaladaha ka taagan Koofur Galbeed ay abuurayaan xasilooni darro saameysa bulshada degaanka oo horay ula daalaa dhacaayey abaaraha jira iyo daruufo kale.

Dowladda Ingiriiska ayaa ku boorrisay dhammaan dhinacyada xiisaddu u dhaxayso inay is xakameeyaan oo ay mudnaanta siiyaan yareynta xiisadda, Islamarkaana ay xiriir la sameyneyso oo ay kala hadlayso dhinacayada ay quseyso ee heer federaal iyo heer dowlad goboleedba.

Jimco 27 March 2026 {HMC} Taliyaha Ciidanka Dhulka Xoogga Dalka Somaliyeed Sareeye guuto Sahal Cabdulahi Cumar ayaa magaalada Rome ee Dalka Talyaaniga kaga qayb galay shirka Taliyayaasha Ciidamada Dhulka ee Afrika, African Land Forces Summit 2026.

Shirkan oo ay soo qabanqaabiso Dawladda Maraykanka, islamarkaana sanad walba la isugu keeno Taliyayaasha Ciidamada Dhulka ee qaaradda Afrika iyo bahwadaagtooda caalamiga ah, ayaa diiradda lagu saaray xoojinta iskaashiga amniga, horumarinta awoodaha ciidamada, iyo la tacaalidda caqabadaha amni ee wadajirka ah.

Sanadkan waxaa si gaar ah shirka doodiisi ay aheyd Ka doodista doorka sii kordhaya ee tiknoolajiyadda casriga ah, gaar ahaan diyaaradaha aan duuliyaha lahayn (drones) iyo sida ay u beddelayaan qaabka hawlgallada militari iyo qorsheynta istaraatiijiga ah.