Suxufiga warbaahinta Al-Quds Jabd Abu Hadros iyo lix ka mid ah xubnaha qoyskiisa ayaa lagu dilay duqeyn ay geysteen ciidamada Israel oo lagu beegsaday gurigiisa oo ku yaalla xerada Qaxootiga Nuntarat ee Gaza.

Duqeyntaas ayaa waxaa sidoo kale ku naf waayey dad kale oo fara badan

Wararkii ugu dambeeyay ayaa sheegaya in ciidamada Israel ay ku duqeeyeen xerada qaxootiga Jabalia ee waqooyiga Gaza.

Ciidamada Israel ayaa isku dayay inay la wareegaan Jabalia, laakiin waxay wajahayaan iska caabin adag oo kaga imaenysa dagaalyahanada Falastiin.

Weriye ka tirsan al Jazeera ayaa xaqiijiyay in ciidamada Israel ay rasaas culus ka ridayaan koonfurta Gaza.

Sida laga soo xigtay Xafiiska Warbaahinta Dowlada ee Gaza, wadarta 106 suxufi ayaa lagu dilay Gaza ilaa bilowgii dagaalka.

Sidoo kale illaa 100 qof ayaa la soo sheegaya iney ku dhinteen duqeyma Israel 24kii saac ee la soo dhaafay.

Wasaaradda caafimaadka ee Qaza ayaa sheegay in weerarada Israel ay dileen 21,672 Falastiin, halka 56,165 qof ay ku dhaawacmeen Gaza ilaa October 7.

Dhinaca kale, Wasaaradda arrimaha dibedda ee Falastiin ayaa soo dhaweysay kiiska dacwada ee Koonfur Afrika geysay maxkamada dembiyada dagaalka kaasoo ka dhan ah Israa’iil, kuna eedeynaya iney xasuuq ka wado Gaza.

Waxaa galabta degmada Dayniile, gaar ahaan halka loo yaqaan Masaajidka Xaawo Ganey ka dhacay dil iyo dhaawac ay isku geesteen labo nin oo dhallinyaro ah.

Goobjoogayaal ayaa sheegay in labada nin isla dhaceyn toorey, waxaana la sheegay in raggan oo saaxiibo ahaa uu soo kala dhax galay khilaaf sababay in ay istooreeyaan.

Labada nin ayaa la soo sheegayaa inuu midkood geeriyooday, kan kalena dhaawacmay.

Ninka geeriyooday ayaa magaciisa lagu sheegay Maxamed Cabdi, halka kan dhaawaca ah oo goobta ka baxsaday magaciisa lagu sheegay Shiine Abow, booliiska ayaana baadi-goob ugu jira gacanku dhiiglaha..

Laamaha amniga degaanka ayaan weli ka hadlin dhacdadan oo illaa caawa si weyn looga hadal hayo magaalada Muqdisho gaar ahaan degmada dayniile.

Sabti Dec:-30-2023-{HMC} Ra’iisul wasaare Xamza Cabdi Barre oo maanta ka qayb-galay kulan looga hadlayay amniga caasimada ayaa ku dhowaaqay war farxad geliyey dhammaan shacabka ku dhaqan magaalada Muqdisho.

Xamza ayaa shaaca ka qaaday in bilowga sanadka cusub ee 2024-ka la qaadi doono dhagxaanta lagu jaray waddooyinka muhiimka ee ku yaalla waddooyinka caasimada, maadaama uu isbeddel weyn oo amni uu haatan ka jiro magaalada Muqdisho.

“Waxaan sugeynaa sidaan ku heshiinay, haddii ay bishaan dhammaato in la qaado dhagxaanta lagu gooyay waddooyinka caasimada” ayuu yiri ra’iisul wasaaruhu.
Sidoo kale wuxuu sheegay in marka hore dhagxaanta laga qaadi doono degmooyinka hadda lagu guuleystay in la sugo amnigooda, kuwa kale lagu sii xijin doono.

“Inta la sugay amnigooda oo la’isku halleyn karo dhammaantood waa in lagaa qaadaa dhagxaanta, waana in wayn” ayuu hadalkiisa sii raaciyay.

Waxaa kale oo uu yiri “Foolxumo ayay ku yihiin magaalada shacabka waa ka sheegteen, annaga xittaa waan ka sheeganay shido waayay”.
Ra’iisul wasaaraha ayaa sidoo kale tilmaamay in dowladnimadu aysan horumar sameyn karin haddii aan amniga la xaqiijin, wuxuuna farriin u diray ciidamada ammaanka.

Sidoo kale wuxuu kusii daray in Xukuumadda DanQaran ay sameysay shuruuc muhiim u ah amniga caasimadda, taas oo qeyb weyn ka qaadatay isbeddelka amniga ee Muqdisho.
Ugu dambeyn wuxuu ku ammaanay hey’adaha amniga iyo maamulka Gobolka Banaadir dadaalka iyo wada-shaqeynta dhexdooda ah, maadaama uu keenay guul weyn.