Talaado 2, April 2024 {HMC} Ra’isul Wasaaraha dalka Itoobiya Abiy Axmed ayaa si lama filaan ah siyaasi Soomaaliyeed oo kasoo jeeda dowlad deegaanka ugu magacaabay in uu noqdo Ra’isul Wasaare kuxigeenka Xukuumadda Itoobiya.

Abiy Axmed ayaana wareegto uu soo saaray ugu magacaabay kuxigeenkiisa Aadan Faarax oo xilal kala duwan kasoo qabtay dowladda Federaalka Itoobiya iyo sidoo kale dowlad deegaanka uu kasoo jeedo.

Shir ka dhacay magaalada Adis Ababa oo ay isugu yimaadeen xisbiyada siyaasadeed ee Soomaalida ku jirto ayaa Ra’isul Wasaare Abiy Axmed waxa ay xubnaha Soomaalida weediiyeen sababta aysan Soomaalida uga soo muuqan xilalka sare ee dowladda.

Gabogabada shirka ayaana si lama filaan ah Ra’isul Wasaaraha Itoobiya Abiy Axmed xilka kuxigeenkiisa ugu magacaabay siyaasiga Aadan Faarax, si uu uga qanciyo Soomaalida ku badan Itoobiya.

Ninkan loo magacaabay Ra’isul Wasaare kuxigeenka Itoobiya ayaa horey usoo noqday Afhayeenka Baarlamaanka Itoobiya sannadkii 2020-kii, waxa uu sidoo kale soo noqday madaxweyne kuxigeenka dowlad deegaanka intii u dhaxaysay 2018-kii ilaa 2020-kii.

Talaado 2, April 2024 {HMC} Deegaanka Xinlabi ee koonfurta gobolka Mudug waxaa xalay lagu soo dhaweeyay laguna soo bandhigay sargaal la sheegay in uu katirsanaa kooxda Al Shabaab , kaa oo xiriir lasoo sameeyay ciidanka deegaanka.

Ninkan ciidanka deegaanka isku soo dhiibay oo lagu magacaabo Ismaaciil Xasan Cali, ayaa in muddo ah katirsanaa kooxda Al Shabaab, waxa uuna kamid ahaa raggii Al Shabaab uga dagaallamay deegaanno dhaca koonfurta gobolka Mudug.

Ciidanka deegaanka beesha degta Xinlabi ayaa ninkan ku wareejisay ciidanka nabad sugida qeybta Galmudug, waxa ayna ciidanka NISA ninkan u qaadeen xaruntooda weyn si ay u marsiiyaan habraaca isa soo dhiibayaasha.

Isa soo dhiibida sargaalkan ayaa kusoo aadaya xilli shalay ciidanka deegaanka duleedka Xinlibi ku qabteen ilaa toban nin oo la sheegay in Al Shabaab la shaqeenayeen , kuwaa oo hadda ku jira xabsi kuna socdaan baaritaanno.