21 Janaayo 2024,{HMC}  Wasaaradda Gargaarka iyo Maareynta Masiibooyinka Dowladda Hirshabelle waxay si guul leh u fulisay wacyigelin ballaaran oo ku saabsan fatahaadaha, abaaraha, iyo maareynta halista masiibooyinka, taasoo laga hirgeliyey ilaa Dhowr tuulo oo ka tirsan degmooyinka Beledweyne, Bulo Burte, iyo Jowhar.

Ujeeddada barnaamijkan ayaa ahayd in la xoojiyo diyaar garowga bulshada iyo adkeysiga iyada oo loo marayo kor u qaadidda fahamka ku saabsan nidaamyada digniinta hore, xeeladaha dhimista halista, iyo tallaabooyinka badbaadada inta lagu jiro masiibooyinka dabiiciga ah.

Si kor loogu qaado Xoojinta awoodda bulshada, Kordhinta diyaar garowga masiibooyinka iyo Dhiirrigelinta adkeysiga Hirshabelle

Sabti-20-jan-2024-{HMC} Dowladda Ingiriiska ayaa socda ka dib markii ay isku dhaceen labo markab oo dagaal oo laga leeyahay dalka Ingiriiska xilli ay marayeen deked ku taalla Baxreyn, sida ay sheegeen ciidamada badda ee boqortooyada.

Muuqaalka sida weyn loogu wadaagay baraha bulshada ayaa u muuqday in uu muujinayo markabka HMS Chiddingfold oo gadaal ugusoo baxaya markabka kale ee HMS Bangor meel ka baxsan xeebta dekedda.

Ma jirto cid wax ku noqotay shilkan sida ay wasaaradda gaashaandhiggu sheegtay, iyada oo ka gaabsatay in ay ka hadasho qaabka uu shilkani u dhacay inta ay baaritaannada socdaan.

Labada markab ayaa qeyb ka ah joogitaanka Ingiriiska ee mudada dheer ee Khaliijka.

Labada markabba waa nooca miinada ka baara badaha, kuwaas oo ka caawinaya hubinta socodka nabdoon ee ganacsiga dhex mara biyaha, ayay yiraahdeen Ciidanka Badda Boqortooyadu.

Sabti jan-20 2024-{HMC} Israa’iil ayaa abuurtay oo maalgelisay” Xamaas” ayuu yiri dublamaasiga sare ee Midowga Yurub

Diblumaasiga ugu sarreeya Midowga Yurub, Josep Borrell, ayaa Jimcihii sheegay in Israel ay abuurtay oo ay maalgeliso Xamaas si ay u wiiqdo awoodda maamulka Falastiin ee uu hoggaamiyo xisbiga Fatax

“Xamaas waxaa maalgelisay dawladda Israa’iil si ay isugu daydo inay wiiqdo maamulka Falastiiniyiinta ee Fatah,” ayuu yiri Wakiilka Sare ee Midowga Yurub ee Arrimaha Dibadda iyo Siyaasadda Amniga khudbad uu ka jeediyay Jaamacadda Valladolid ee Spain

“Waxaan aaminsanahay in laba dawladood oo ah [Israa’iil iyo Falastiin] ay tahay in xalka kaliya ee nabad lagu heli karo, xitaa haddii, oo aan ku adkaysanayo, Israa’iil waxay dib u xaqiijinaysaa diidmadeeda {xalkan}  si ay uga hortagtona sidaas ayay ku baxeen. ilaa iyo in la abuuro Xamaas lafteeda,” ayuu yiri Borrell

Ra’iisul wasaaraha Israa’iil Benjamin Netanyahu ayaa dhaleeceyn kala kulmay dowladda Qatar oo ku aadan maalgelinta Gaza, heshiiskaas oo 2018 ay Israa’iil ansixisay, Netanyahu ayaa xilligaas difaacay

Netanyahu ayaa dhawaan beeniyay eedeymaha loo soo jeediyay ee ah inuu Xamaas ku xoojiyay maalgelinta Qatar. Wareysi uu Nofambar siiyay majaladda wararka ee Jarmalka, BILD, Netanyahu wuxuu ku tilmaamay “been weyn” inuu doonayo “inuu dhiso Xamaas.

“Saddex jeer ayaan horey ula dagaalannay Xamaas. Ma rabno in aan joojino howlgalladaas militari si ay u weynaadaan,” Netanyahu ayaa u sheegay BILD

Khudbadiisa Jimcaha, Borrell wuxuu carrabka ku adkeeyay baahida loo qabo in la farageliyo dagaalka Gaza, isagoo leh: “Haddii aynaan si adag u faragelin, nacaybka iyo rabshadaha ayaa sii socon doona jiil ka ab, laga bilaabo aaska ilaa aaska.”