Axad 27,July 2025 {HMC} Kooxda AS ayaa Duhurnimadii maanta oo Axad ah si buuxda ula wareegtay gacan ku heynta Degmadda Maxaas ee gobalka Hiiraan wax ka badan 13-Sano ka dib. Dagaal socday in ka badan shansaac oo xiriir ayey kooxda u suurtagashay in lagu arko gudaha magaalada oo shacabkii ku nool goorsiihoreysay ay isaga baxeen.

la wareegista AS ee Maxaas ayaa timid ka dib dagaalo iyo iska hor imaadyo goos goos ah oo tan iyo billowgii todobaadkii ka dhacayay inta u dhaxeysa Degmada Maxaas iyo Magaaada waxbo ee Gobalka Gal-gaduud oo ka mid ah talisyadda waa weyn ee kooxda.

Dagaal ayaa waabirigii hore ee saakay ka billowday deegaanka Ceel-gorof ee hoostaga degmada Maxaas ayaa sababay khasaaro iskugu jiro dhimasho iyo dhaawac kala gaaray dhinacyada wada dagaalay iyadoo kooxda ay sidoo kalle fulisay gaari laga soo buuxiyay waxyaabaha qarxa.

Maamulka degmadda Maxaas oo la hadlay Hiiraan ayaa sheegay in dagaalka ka dhacay banaanka magaalada ay kooxda kaga dileen ku dhawaad 20- dagaalame oo ka tirsanaa AS. Inkastoo Dowladda soomaaliya iyo taliska ciidanka xooga dalka uusan wali wax war ah kasoo bixin qabsashada Maxaas, haddana xildhibaanada DF ku matala Gobalka Hiiraan ayaa dowladda ku eedeeyay in ay ka gaabisay doorkii laga ee difaaca magaaladaas.

Xaalada Gobalka Hiiraan ayaa aheyd mid colaadeed oo joogta tan markii AS ay la wareegeen Degmadda Aadan yabaal ee Gobalka Shabeeladda dhaxe 16- April ee Sanadkaan.

Axad 27,July 2025 {HMC} Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo dalka Itoobiya kaga qeyb-galaya Shirweynaha Qaramada Midoobey ee Sugnaanta Cuntada Adduunka ayaa halkaas kulan soo dhaweyn ah kula qaatay Ra’iisul Wasaaraha Itoobiya Mudane Abby Ahmed.

Labada hoggaamiye ayaa ka wada hadlay xiriirka labada dal iyo xaaladda gobolka, waxayna hoosta ka xariiqeen mudnaanta ay leedahay in wadajir looga wada shaqeeyo dagaalka ka dhanka ah argagixisada oo khatar ku ah jiritaanka iyo horumarka shucuubta Gobolka.